Mih ki Samla Balang Presbyterian Nongpoh ban tam plastik bad niut ha surokbah

Kum shibynta ban wan ia ka khuid ka suba ha ki lynti ki synkien ka kynhun jong ka Balang Presbyterian Nongpoh ka Nnongpoh Senior CE Society ha ka sien kaba nyngkong eh ka la shim iaka sienjam ban pynlong ia ka Cleaning and Drive da kaba mih sha ki bynta surok bah ban tam iaki plastik bad pynkhuid iaki jaboh jabaiñ ha shilynter ka surok naduh na shnong Pahamlapong-Pahamsohthri shaduh sha Shnong Mawdiangum.

Ban nang pynkhlaiñ bad ai mynsiem ia kane ka jingmut kaba bha jong karein ka Kynhun la wan ban ia snohkti lang da ka Seng Samla Pahamlapong-Pahamsohthri, Seng Samla Mawdiangum lem bad ki samla pule NSS jong ka Ribhoi College.  Ha shwa ban sdang katei ka Jingpynkhuid la ioh ban pynlong shwa daka program kaba lyngkot hakaba u bah Mathew Makdoh Nominated MDC ka Nongpoh u la wan ban ai iaki kyntien kyntu kynphah kum u kongsan.

Ha katei ka program la is donkang ruh da ki rangbah Shnong ka Pahamlapong-Pahamsohthri bad Mawdiangum, Nangta u bah R. Nongtri, President Nongpoh SCES bah J. Mawlong, Chairman Social and Recreation Committee, Tbn. D. Ranee, ki samla naka shnong Phamalapong-Pahamsohthri, Mawdiangum bad ki samla NSS. Haba kren naka liang u bah Mathew Makdoh kum u kongsam u la ong ba ka khuid ka suba ka long ka bynta kaba kongsan eh haka jingim jong ki briew naba ngi tip ba ngi long ki kynrad jong kane la sla pyrthei kumta ngi dei ban kynmaw ban leh eiei kaba bha naka bynta ban pynneh pynsah ia kane ka Mei Mariang kaba ngi don.