Ka jaka ieng kali kum ki bos ki tourist taxi ha Mawiong ka la kynjah bad heh niut namar ba ka khlem treikam shuh mynta la slem bah. Ka daw ka dei namar ba ka sorkar jylla kam pat lah ban pyntreikam ka dei namar ba ka la khang noh shwa ban iaid ki bos jrong kum ki night super na jingkieng Umiam kaba la sator. Kumta, kane ka jaka ieng bad thep briew ki bos ka la shu sah khongreng haduh mynta.
Ha kajuh ka por ka sorkar kala shna shaid shaid ia ka jingkieng narum ka jingkieng Umiam ban pyniaid ia ki kali heh bad la khmih lynti ba kan lah ban pyndep ha u snem ban wan bad hadien ba la dep ia ka jingkieng thymmai, yn sa heh biang ka iew pynieng bad kit briew ha Inter State Bus Terminal ne ISBT ha Mawiong.
Haba kren bad u nongap bylla ha katei ka jaka, ula iathuh ba naduh ba khang ban wan ki bos, ym don eiei shuh bad la shu shong tang ban shim bai parking ia ki briew kiba wan ieng ne kiba shu wan hikai niah kali.Ula iathuh ba ka jingkhang kane ka jaka ieng bos kala pynduh nong bha ia ki briew naduh kiba die jingdie, die shana khring khring bad kiwei.
You may also like
-
Dawa ka KSU ban mynjur da ka Resolution ban pyrshah tih Uranium ha Domiasiat
-
Bam khniang u Riewhadem, lyniar ki nongrep ha WKH
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’