Na ka bynta ka hospital ba 400 jingthiah ha Guwahati

Ka Global Health Limited “Medanta”, kawei na ki hospital shimet ba tbit ban sumar ba bun jait ki jingpang ne multi-specialty tertiary care providers kaba treikam ha ka thanin shatei lam mihngi ka ri India, ka la pynbna ban pynlong iaka jingrakhe Bhoomi Poojan kaban long ha ka 31 tarik u Risaw 2025 ha ka jaka kaba don ha Industrial Estate, Sarusajai, Guwahati. Kane ka jingrakhe ba kyrpang, kan long kum ka dak jong ka jingsdang jong ka jingshna ia ka hospital kaba katkum ka juk kaba mynta kata ka super-specialty kaban don haduh 400 jingthiah ha Guwahati.

U myntri rangbad ba don burom jong ka Assam, U Dr. Himanta Biswa Sarma un iadonlang ban pyniphuh ipheing ia kane ka lympung ryngkat ka jingiadon lang jong u Dr. Naresh Trehan, Chairman & Managing Director, Medanta, U Pankaj Sahni, Group CEO, Medanta, kiwei kiwei ki kynrem ki lyndan na ka sorkar Assam bad ki dkhot jong ka shnong.  Ia kane ka hospital kaba yn sa shna la pynwandur ba kan ai ka jingshakri kabab ha tam kaba iaryngkat bad kiwei ki hospital ka pyrthei na ka bynta ki jingsumar kiba ha rukom, kaba don ia ki jingsumar kiba kyrpang bha ne super-specialties bad ka jingbujli ia ki dkhot met ne Transplant Program.  Ka hospital kan don ruh ka jingwad bniah ban lap ia ki jingpang, kynthup ia ki labs, radiology, nuclear medicine, bad ka jingleh ia ka jingpeit bniah ia ka koit ka khiah ne ka health check-up.

Haba kren shaphang kane ka jingrakhe jong ka Bhooumi Poojan kaban wan, U Dr Naresh Trehan, Chairman & Managing Director, Medanta u ong, “Ka jingrung jong ka Medanta sha ka thain ka lah ban nang pynbiang shuh shuh ia ki jingsumar bad lah ban leh ia ki jingsumar kiba katkum ka juk ba mynta, kiba bha bad kaba lah ban ioh da ki briew jong ka Assam bad ki jylla ba marjan. Mar sien dep ban tei ia kane ka jaka sumar ha Guwahati la khmih lynti ba kan buh ia ka thong ban lah b an ai ia ka jingsumar ba bha tam, ha kaba yn ioh ia ki jingsumar da ki kor ki bor ka juk mynta, kynthup ia ka jingpuid ba pyndonkam da ki robot bad ka jinglah ban bujli ia ki dkhot met kiba don jingshitom..”