Pynshongshit u nongrwai Pop ba pawnam ka pyrthei, u Mohombi ia ka nongbah Shillong

Ka miet jong ka jingsawa, ka bor, bad ka jingïatylli ha ka kolshor ka la pynshit rhem ia ka jylla Meghalaya hadien ba u nongrwai Pop bna nam ka pyrthei, u Mohombi u la wanrwai ha ka sien nyngkong ha India ha ka 25 tarik Risaw,2025 ha Lariti, Mawkasiang, da ka jingrwai ba kaba pynshohbiej ia kiba bun ha kane ka nongbah Shillong. Ia kane ka tamasa la pynlong da ka Courtyard by Marriott Shillong ha ryngkat ka jingïatreilang bad ka Meghalaya Tourism bad ka Meghalaya Age, ka la khring ïa kumba 3,500 ngut ki paid ieid jingrwai, kaba la pynlong syndon ia ka nongbah Shillong wei na ki nongbah ka pyrthei kaba la pawnam ha ka put ka tem. U Mohombi Nzasi Moupondo, u nongrwai na Sweden-Congo u dei u nogrwai bna nam ha ka pyrthei kynthup ka jingrwai “Bumpy Ride” bad “Coconut Tree”, bad ka rukom rwai jong u ka la long ha ka sur Afro-pop, ryngkat ka shwa bad rwai kaba dei ka sien nyngkong ha India. Ryngkat ka jingiatreilang ka jingwan u Mohombi ha Shillong ka la long kaba jop bad sah ha ka khana ha ka India.

Ia kane ka tamasa rwai la plie pyrda da ki nongrwaiba pawkhmat ka nongbah Shillong kiba kynthup ia ka Jessie Lyngdoh, Gary Daniel, Quills, Sev, bad Meban — kaba la pynshongshit ia ki paidbah. Hadien kitei la mih sa u Mohombi ha rynsan bad ki paidbah ki la iarisa daka jingkmen ryngkat ka iashad lang naduh mynsiem. Haba ai jingkren, u Mohombi u la ong,“Kane ka jingwan rwai ha nongbah Shillong ka bym lah klet shuh ia nga lano lano — ka jingsngew shongshit, ki briew bad ka jingitynnad ka Meghalaya ka la pynum ia ka mynsiem jongnga. Nga iohsngew ia ka sur ba thiang na kane ka nongbbah. Ka India kan iaineh bad iai don ha ka dohnud jongnga, bad kane ka jingwan iuhkjat sien nyngkong ka la long kumba wan sha ka longiing thymmai.”

Kane ka tamasa ka la long ruh kum ka jingpyni nam ia ka kolshor bad ka rukom im ki briew hangne bad kane ka pyni shai ruh ba ka Shillong ka dei ka nongbah ieid jingrwai bad lyngba ka jingrwai ka wan ka jingiatylli ha ki liang baroh. Ka jaka kaba pynlong ia kane ka tamasa ruh ka long shisha kaba itynnad bad kaba ithiang bad kane ka pynlong ia ka Meghalaya ka jylla kaba pawnam bad kaba phylla shisha Ka jingpdiang ïa u nongrwai uba pawnam ha ka pyrthei kum u Mohombi ka la wanrah shuh shuh ia ka nam ka nongbah Shillong kum ka jaka pdeng ka put ka tem ha pyrthei.