Na san ngut ki briew kynthup ar ngut ki Garo kiba la shah rong umsaw ha ka jingjia shlei um ka Hydro Power Project jong ka North Eastern Electric Power Corporation Limited (NEEPCO) ha Arunachal Pradesh dang shen kaba pynjulor bun ki iing ki sem ki jingem bad ki jingri.
Ka khubor ba la ioh ka iathuh na ki san ngut jah rngai la ioh ban sei ia ka met jong ka Bilari Marak 20 snem, ka Nirmala Gupta 35 snem ka nonghikai jong ka Vivekananda Kendra Vidyalaya, NEEPCO. Katba ki lai ba dang jah rngai la ithuh kyrteng ka Elis Marak 13 snem, Tou Anjana bad Sourav Kumar bad ka jngthwet ia kitei ka dang iaid shakhmat.
Katkum ka jingpyntip ka NEEPCO ka la iathuh ha ka 26 tarik Jylliew ha ka por 6 baje mynstep ka la jia ka jingshlei um kaba la syllad ia ki iing ha Panyor Lower Hydro Power Station ha Keyi Panyor Distyrict, Arunachal Pradesh. Kane ka jingjia ka dei na ka jingjur slap kaba pynlong ia ar tyyli ki wah duid ha katei ka thain ban shlei um warah ia ka jingduh ki mynsiem ba kordor bad ka jingthwet ia kiba jah ka dang iaid shakhmat haduh mynta.
You may also like
-
Ka mukotduma u Dr Batskhem pyrshah NEHU yn bishar la 10 tarik
-
Pulom ka jingtih dewiong ‘Open-Cast’ ha Jaintia, namar ka jinglong jingman ki jaka : Kyrmen Shylla
-
Kyntait u Myntri Lahkmen Rymbui ia ka jingkynnoh ba pyntroi ka sorkar ia ka tnad pule
-
Ioh lum kuna ki pulit palat T.80 hajar na ki nongniah kali beaiñ
-
Donkam ka jingiatreilang na baroh ki kynhun ban pynduh jait ia u drok, ongu Conrad