Ki MDC ba la jop dang shen ia ka ilekshon MDC na ka Liang Pyrshah, mynta ka sngi kin iakynduh ban shong pyrkhat na bynta ban jied ia u ne Ka Nongialam jong ka Liang Pyrshah ne Leader of Opposition ha Khasi Hills Autonomous District Council (KHADC).Katkum ki jingtip ba la ioh la iathuh ha ka sngi Palei ki MDC ba don ha ka Liang Pyrshah ki la iakynduh bad ki la rai ban lum ka jingialang baroh ki MDC ki bym kyrshan ia ka Executive Committee (EC) ba ialam da ka VPP ban jied ia u ne ka nongialam ka Liang Pyrshah ha ka iing dorbar.
Kane ka kynhun ka don 12 ngut ki MDC, kynthup 5 ngut na ka UDP, 4 ngut na ka NPP 1 na ka HSPDP bad 2 ngut ki MDC khlem seng. Kumba la paw haduh mynta, ka kyrteng jong u CEM barim bad u Leader of Opposition barim ka KHADC u Bah Titosstar Well Chyne bad ka MDC ba la jop saw sien lynter na Nongshken ka Kong Grace Mary Kharpuri ki long hakhmat eh ban shim ia ka kam Nongialam ka Liang Pyrshah.
Ki tyllong khubor ba la ioh lum, la iathuh ba u Bah Titos u lah ban ailad noh ia ka Kong Grace ban shimti ia ka kam Nongialam ka Liang Pyrshah namar ba ka dei ka MDC ba la jop saw sien kynthih bad kan dei ruh ha ka sien banyngkong ha KHADC ba ka Longkmie kan long kum ka Nongialam ka Liang Pyrshah, hynrei ka shong ha ki MDC baroh ban ai ka rai ba khatduh.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin