Ka Sorkar Meghalaya kala thoh sha ka Sorkar Assam ban pan ka jingiatreilang ha ka ban pyntreikam ia ki kyndon ban pynduna ia ka jingjaboh ka lyer hapoh ka thain Byrnihat Ri-bhoi District. Kane ka jingdonkam ban iatreilang hapdeng ka Assam bad ka Meghalaya kadei namar bun ki karkhana kiba dei ki daw bah bad jaboh ka lyer hapoh ka thain Byrnihat ki don haki khappud hapdeng ki artylli ki Jylla. Ia kane la pyntip da u Chairman ka Meghalaya State Pollution Control Board (MSPCB) u R Nainamalai.
U Nainamalai ula ong, ba ia ka mynta ka jinglong jingman jong ka lyer hapoh ka thain Byrnihat Ri-Bhoi District ka long kaba pdeng (Moderate) katkum ka Air Quality Index hadien ka jingshim khia ka Sorkar ban khang iaki katto katne ki kharkhana ba pynkhien kyndon. U la iathuh ba na ka por sha ka por ka MSPCB kala phah notice bad haka juh ka por leit jurip iaki karkhana lada ioh jingujor ba kim bud kyndon.
“Ngi la dep thoh sha ka Sorkar Assam ban iatreilang bad ka Sorkar Meghalaya bad nga tharai ka (Sorkar Assam) ka dang don hapoh ka jingpynkhreh ban thaw ia ka Joint Action cum Coordination Committee ban pyntreikam iaki kyndon ban pynduna iaka jaboh lyer ha ki thain Byrnihat Ri-bhoi District” la ong u Nainamalai.
You may also like
-
Dawa ki sengbhalang ban pyndam noh ia ka SAI Computer Pvt. Ltd ban sam bording ha thain Mawsynram
-
Pynsangeh ka NTA ïa ka NEET-UG 2026 ba kynnoh lait tuh ki Question Paper
-
Ka jingbym ioh jaka kam dei tang ka daw ba kyrduh doctor ka Jylla
-
Thoh ka Sorkar sha u Modi ban wan plie ia ka Shillong Medical Kolej
-
Puk tur spah ngut ki paidbah Lapangap sha Secretariat, synreit lyer pynsat khmat ki pulit