Hadien phra sngi ka jingtohkit ia u Kennedy Khongsit halor ka jingdonkti pyniap ia ka longkmie ba 39 snem ha Nongrah, bad ki la dep ruh ban ialam ia une u briew sha ka jaka ba u pyniap ban phah batai bad pynwandur ia kane ka kam bymman.
Haba pyntip ia kane ha ka sngi Balang, u Superintendent of Police ka East Khasi Hills Bah Vivek Syiem ula iathuh ba u Kennedy Khongsit, uba shah kem dang shen ba pyniap ia u heprit 7 snem, ula shah phah sha ka police custody ba phra sngi halor ka jingpyniap ia ka longkmie ba 39 snem, ka kong Eilang Phawa.
“Ngi la ioh phra sngi ban tohkit ia u Kennedy Khongsit halor kane ka kam, ngi la dep tohkit bun kiei kiei bad mynta ka sngi ngi la ialam ia u sha ka jaka ba u pyniap ba un batai nadong nadong hadien ba ula kubur ba leh ia kane ka kam bymman” ong u Bah Vivek.
Haba batai bniah ia ka jingphah pynwandur ia kaei kaba jia, u SP ula ong ba u Kennedy ula ialam ia ka kynhun ki Pulit sha ka jaka ba u pyniap ha ka jingiadonlang ki nongsakhi shimet.
“Ula ialam ia ka kynhun ki Pulit ha ka jingdonlang ki sakhi shimet bad ula batai ba kumno ula leh ia kane ka kam bymman ha kaba ula ialam ia ka sha lyndet ka Iing, sha ka jaka leit bar paidbah bad tangon ia ka ha kawei na ki kynroh maw bad hadien ula thep ia ka met ha byrni. Kane ka dei kaei kaba ula batai” ula ong.
U Bah Vivek u iathuh ba ka kynhun Special Investigation Team (SIT) ka la trei shaid shaid ban pyndep noh shen ia ka chargesheet.
You may also like
-
Lada nga jop kum u MP, ngan khyrwait shabi ban pynkut phet seng ki MLA, ong u bah Vivanstone
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar