U Superintendent of Police (SP) East Khasi Hills u Bah Vivek Syiem ula iathuh ba ki Pulit ki la shimkhia ban pynngat kyndon ain ne ‘Chargesheet’ pyrshah ia u Kennedy Khongsit hapoh 90 sngi.
Lah ban kdew ba ki Pulit ki la kem ia u Kennedy Khongsit halor ka jingkynnoh donkti ban pyniap ia u heprit na Nongrah Lummyrboh bad ia ka kynthei na Lawjynriew Nongthymmai.
Haba kren sha ki lad pathai khubor u Bah Vivek ula iathuh haduh mynta u Kennedy u don ha Judicial Custody bad un iai bteng ban don ha Custody tad haduh da dep ‘Chargesheet’.
U Bah Vivek ula iathuh ba u nongshah kynnoh u Kenedy ula phla ia ki kam pyniap briew bad ula ialam bad pyni ruh ia ki Pulit ia ki jaka ba u leh ia kine ki kam bymman.
“Mynta u don ha Judicial Custody bad ha ka jingtohkit ula phla ia kine ki kam pyniap briew nalor ba ula ialam sha ki jaka ba u leh ia ki kam bymman” la ong u SP.
U SP ula pynthikna ba ki Pulit kin ‘Chargesheet’ pyrshah ia u Kenedy hapoh 90 sngi ha baroh 2 tylli ki Case pyniap briew.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda