Ka Akhil Bharatiya Vidyarthi Parishad (ABVP), Jowai Unit ka la pynkup burom da ka khusnam “U Kiang Nangbah Best Student Award 2025” ia ki khynnah ba wan shakhmat wan shakhmat ha ki eksam SSLC bad HSSLC 2025 na ki skul ha sor Jowai. Ha kane sngi u Myntri sorkar u bah Shanbor Shullai u long u kongsan bad Prof. Sumarbin Umdor pro. U Vice- Chancellor, North Eastern Hills University, Shillong u symbud kongsan ha ka jingdonlang u ma O. Rilando Shallam, President barim ka Sein Raij, Jowai katba u Bomsing Khongtir, National Executive Council Member jong ka ABVP ula ai ia ka jingkren pdiang ia ki kongsan bad ka jinglamphrang halor ka prokram.
Ha ka jingkren kum u Kongsan u bah Sanbor Shullai ula pynpaw ia ka jingdonkam ia ka jingnang jingstad ban pynwan dur ia ka lawei jong ka imlang sahlang. U la ai khublei ruh ia ki jingthmu jong ka ABVP ha ban kyntiew ia ka pule puthi ha ka jylla bad ka ri da kaba ialam ia ki samla ia ka jingieit ri bad kumno ban tei ia ka ri. Ha kane ka sngi, ka ABVP la pynkup burom palat 80 ngut ki khynnah skul ba wan shakhmat ha ki eksam na ki skul bapher bapher ha Jowai. Ka prokram ka la sakhi ïa ka jingïashim bynta haduh 800 ngut ki nongkyrshan, kynthup ïa ki riew shemphang, ki nongïakhih ha ka imlang sahlang, ki nongseng kam seng jam, ki kmie ki kpa, ki samla pule, kiba la ïawan lang ban sakhi ïa ka jingtbit ki samla pule.
Ka jingpynkup burom da ka khusnam U Kiang Nangbah Best Student Award 2025 ka long ban pynshlur ki samla pule ban beh sha ka jingthong shakhmat ryngkat ka mynsiem shakri bad jingkitkhlieh ïa ka imlang sahlang bad ka jaidbynriew.
You may also like
-
Dawa ka KSU ban mynjur da ka Resolution ban pyrshah tih Uranium ha Domiasiat
-
Bam khniang u Riewhadem, lyniar ki nongrep ha WKH
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’