Ka Kynhun Myntri Sorkar hynne ka sngi ka la mynjur ban pynkylla (Amendment) ia ka Meghalaya Heritage Act, 2012. Ïa kane ka rai la pyntip da u Myntri Rangbah ka Jylla u Conrad K Sangma. Haba kren shaki lad pathai khubor u Conrad ula ong ba ka jingpynkylla ia ka Meghalaya Heritage Act, 2012 la leh katkum ka jingai jingmut jong ka Meghalaya sha ka UNESCO ban ai jingithuh kyrpang ia ki jingkieng jri ba don hapoh ka Jylla.
“Ngi pynkylla ia ka Meghalaya Heritage Act, 2012 khnang ban pynrung ia ki kyndon ban ioh jingithuh ia ki Jingkieng Jri ha ka thup ‘Living Heritage’ jong ka UNESCO” u la ong. Ka jingpynkylla ia ka Meghalaya Heritage Act, 2012 ka dei ruh ban weng noh ia ka jingshim jaka na ka bynta ka Living Heritage katkum ka ain, khnang ba kan ym ktah ia ka rukom bat khyndew ne bat jaka jong ki jaidbynriew jong ka Jylla.
U Myntri Rangbah ula ong ba ka jingpynkylla ia ka Meghalaya Heritage Act, 2012, la tyrwa ia ka jingiadon bynta jong ki paidbah lyngba ki nongmihkhmat jong ki paidbah ha ki kyrdan bapher bapher.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block