Ka Garo Hills Autonomous District Council (GHADC) hynne ka sngi Balang ka la pynpra 6 tylli ki iing ba la shna beain ha jaka ka Council kaba don khappud Meghalaya bad Assam. U Deputy Chief Executive Member ka GHADC u Nikman Ch Marak ula ong ba ka council ka la pynmih ia ki jingpynbna sha ki nongshong shnong, hynrei kim shym la ai ia ki kot ki sla. “Kim shym la lah ban pyni ia ki kot ki sla ban pynshisha ia ka jinglong trai ia ka jaka bad ki la bteng ban sah ha katei ka jaka wat hadien ba la buh por, kumta ngi la hap ban leh eiei,” la ong u Marak.
U la pynpaw ka jingpyrshang ban rung tuh ha ki jaka jong ka council da ki briew na Assam da dang don. Ula ong ka council mynta kan ïatreilang bad ki khlieh nongsynshar shnong, kynthup ki Nokma bad ki Rangbah Shnong, ban khanglad ïa kum kine ki kam beain.
U Marak ula pynpaw kine ki sien jam ki long kumba leh ka Assam, da kaba ong, “Kumba ka Assam ka la shim khia tyngeh pyrshah ia ka jingwan rung tuh hapoh la u jong u pud u sam, ngi ruh ngi dei ban leh ban iada ia ki jaka jong ngi ha ki jaka khappud.”
You may also like
-
Lyngba ka CM-Connect la lah ban pynbeit 5 hajar duna na palat 7 hajar ki jingud paidbah
-
Kylla rong lieh ka surok ha Langñiuh, ïam sngewsih ki nongrep
-
U pa ieid ba 104 snem bad ki skul pynkup burom kyrpang ka Riwar Mihngi Local Dorbars
-
Ym lah ngeit ka Hima Nongkhlaw ban don 10 hajar ki Garo ba long shipai ia u Tirot Sing
-
Ther ka JAC ia u Bah Paul, ka jingkren ba ym dei ban iam ne jaw umat ka dei ka jingthombor