Pynrem ka sorkar halor ka jingjia siat iap ia ki nongshangkai ha Pahalgam

U Nongaiktien ka Sorkar Jylla u Bah Paul Lyngdoh ula ong, ka sorkar jylla ka ai jingkyrshan ia ka Sorkar Pdeng ban tehlakam ia ki kynhun kaikhlaw bad ia ki kam pyntriem hapoh ka jylla Jammu & Kashmir. U Bah Paul Lyngdoh uba long ruh u Myntri ka Tnad Jngohkai ka jylla ula kren ia hynne ka sngi, hadien ba 28 ngut ki nongjngohkai ki la shah siat iap ha ki lehnoh katba ki dang leit kai ha Pahalgam, Jammu & Kashmir ha ka 22 tarik u Iaiong. Ula pynrem jur ia ka jingjia shah thombor ki nongjngohkai ha Pahalgam, ka dei ka jingleh riew khlaw bym don shuh ka mynsiem iatip lem para briew.

 “Kane ka dei ka jingleh ba shyrkhei, ia kaba ym lah ban mutdur bad ka jingthombor ia ki nongjngohkai ba noh synniang sha ka jingioh khajna ka jylla ka long kaei kaei kaba la leh palat pud ia kaba ngam lah sngewthuh shuh. Ngi ieng ryngkat bad ka ri ban kyrshan ia ka sorkar pdeng ha ka jingpyrshang ban tehlakam ia ka jingkiew ki kam kaikhlaw bad ki kam iaum snam ha katei ka jaka” la ong u Bah Paul. Ula iathuh ka sorkar jylla ka la pynkhlain bad iakren man ka por bad ki BSF ban pynthikna ka jingshngain ki paidbah bad ula ong, dang shen ula iakynduh ia u DGP ka BSF.

U la bynrap ka tnad pulit kan pyniaid shakhmat ia ki kam baroh na ka bynta ban thung 3000 tylli ki kam ba lait ha ka tnat pulit.