U Bah P.T Sawkmie, MLA barim u la pynpaw sa tang lada khang noh ia ka Mawlai marten yn sa kyndit ka Shillong shano ban theh ñiut, namar la iohi ha kine ki sngi haba don ka hearing ne ka jingialang paidbah ban shim rai baroh ki shnong ki ia pyrshah lut bad ki ong ba kim kwah ba ka shnong jong ki kan long kum ka marten ha Mawlai.
“Ka long kaei kaei kaba sngewpangnud pangmet bad sngewsynei ia ka shnong Mawlai namar ym don mano mano ban shim lem ia ka jingkitkhlieh ban ong ba ka shnong jong ngi ka kloi ban shah ia ka jaka theh ñiut kumba long ka Mawlai kaba la shah shitom da ki phew tylli ki snem,” ong u bah Sawkmie.
“Da ki phew snem ka Mawlai marten ka la long ka jaka theh ñiut, ki paidbah kiba shong marjan ki la mad ia ka jingsma iwtung, wat ki shnong kiba marjan kumjuh kiba iaid lynti surok bah, haduh kine ki sngi kiba mynta ki mad ia ka jingsma wat lada ki la khang ia ka iit kali jong ki ruh,” bynrap u bah Sawkmie. U ong ruh, “Kaba nga sheptieng ka long ba lada ki paidbah Mawlai ki la ngiah ka sma iwtung bad ap shi ap ym don ba sngewlem mano mano, ha kata ka por kin ong dei ban khang noh ia ka Marten bad yn ym shah theh ñiut shuh.”
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap