Shah jied ka S. Phangnon Konyak MP Rajya Sabha kum ka dkhot ka NEHU

Ka S. Phangnon Konyak ka dkhot ka Ïingdorbar Thawaiñ, Rajya Sabha ka la shah jied kum ka dkhot ka Kashari jong ka North-Eastern Hill University (NEHU) da u Chairman, Rajya Sabha ba long ruh u Vice President ka Ri India naduh ka 15 tarik Iaiong, 2025, katkum ka jingpyntip na ka Rajya Sabha Secretariat. Ka long ka jingsarong ia ka thain ba ka S. Phangnon Konyak, MP Rajya Sabha Nagaland ka la shah jied kum ka Dkhot sha ka Ïingkashari jong ka North-Eastern Hill University (NEHU).

Ia ka NEHU la seng ha ka 19 tarik u Naitung 1973 lyngba ka ain jong ka Partliament, ka la ieng kim slem pule ba pawnam ha ka thain shatei lammihngi jong ka ri India. Ka jingtreikam na Meghalaya la pyniar sha Nagaland bad kiwei ki Union Territories  kum ka Arunachal Pradesh bad Mizoram.Ha kine ki phew snem ba la dep, ka NEHU ka la pynkylla dur ia ka jinglong jingman, ka jingmut jingpyrkhat bad ka jingsynshar jong ka thain. Ka University ka la pynroi ïa ki pateng ki riewstad, ki nongsynshar, ki nongïalam paidbah kiba la noh synñiang shibun ia ka jingroi ka thain bad ki jaitbynriew.

Ka jingshah jied jong ka Konyak ka pyni ia ka jingaiti jong ka ha ka jingshakri paidbah bad ki jingangnud jong ka pule puthi bad ka roi ka par jong ka thain shatei lammihngi. Ka jingïadei jong ka bad ka NEHU ka pynsawa ïa ka jingong jong ka skulbah: “Kiew bad Tei.”Kane ka jingthung la khmih lynti kan pynkhlaiñ shuh shuh ïa ka jingïadei ka jaka pule bad ki briew ka thaiñ bad kyrshan ïa ka jingpyrshang kaba dang ïaid shakhmat ia ka jingnang jingstad bad ka jingkiew ha baroh ki liang.