Ki pulit ka Anti Narcotics Task Force (ANTF) hynnin ka sngi Saitjain ki la ioh kurup ia u drok ba 8.18 gram na Madanrynting.
Katkum ka khubor, ki pulit ka ANTF hynin ka sngi hadien ba ki la ioh jingtip ba u Anurag bad uwei uba ia donkti lang bad u, uba la tip kyrteng kum u Abdul Aziz Barbhuiya ba la ju tip ruh kum u Saddam, ki la wan phai na Silchar sha Shillong da ka jingthmu ban pynpoi ia ki drok ba la buh rieh ha jaka sah jong u ha Madanriting, Shillong.
Mar ia ioh ia kane ka jingtip, ki pulit ANTF, Meghalaya Shillong ki la leit bran bran sha thain Madanriting ban thwet ia u bad hadien ka jingtrei shitom, ki pulit ki la lap ia ka jaka sah jong u ha Madanriting Pdengshnong Block D bad mar mar ki la pyllong ia ka jingkhynra.
Ha kane ka jingkhynra ki pulit ki la ioh kurup ia kawei ka synduk Sabon rong lieh jngut na kamra shet kaba don ia u drok ba khia 8.18 gram.
Ki pulit ki dang pynlong ka jingtohkit pyrshah ia kitei ar ngut ban lap kiwei pat kiba donkti ban khaii drok.
You may also like
-
Ki paidbah ki kwah ban pyniar shuh ka lynti rel ha Garo Hills: DC
-
Bun tylli ki projek kam pynroi plie u Myntri Rangbah ha Chokpot
-
Rai ka JAC ban shong beit triang haduh da pyndam projek Ropeway
-
“Phi long ka mluh jong ka pyrthei,” ong u Lyngdoh Sohblei Rangbah ka Goa
-
Lada long ban kynthih na kawei seng sha kawei, kam don jingeh ban kynriah ia ka Shillong Ropeway Project: TW Chyne