:Ka Meghalaya State Pollution Control Board (MSPCB) ka la dain kuna T.15 lak ia ka kompani National Highways & Infrastructure Development Corporation Limited (NHIDCL) kaba la pynjaboh ia ka Wah Umngot kaba khuid ban kylla rong jngut na ka jingbret pathar ia ka khyndew ba tih na ka jingpyntrei ia ka surok Shillong- Dawki.
Ha ka shithi ba la phah sha u Genral Manager ka NHIDCL ha ka 5 tarik mynta u bnai, u Chairman ka ka MSPCB u R Naimanalai ula ong katkum ka bailutksan na ka Central Pollution Control Board (CPCB) ha kaba ka MSPCB ka la mynjur ban dain kuna T.3,75,000 na bynta ka jingpynjulor ia ka mariang kawei ka jaka, kaba long baroh haduh T.15 lak.
Ka MSPCB ka la ai por hapoh 15 sngi ban siew ia katei ka kuna bad lada kim siew ha ka por ba la buh kan shah pynngat hapoh ki kyndun ain jong ka Water (Prevention and Control of Pollution) Act 1974 kaba la mana ban khang ia ka jingpynjaboh ia ki wah.
You may also like
-
Pan jingkyrshan ki MDC Congress JHADC ia u Vincent H Pala da kaba pyrto ruh iaki kam ka Congress
-
Yn nang kiew ki nongmihkhmat ka HSPDP ha u 2028 : KP Pangiang
-
Bam duh ka ding ba klang ïa ka godown ha Demseiñiong
-
Plie u MLA Ranikor ia ka iingskul thymmai ka Khlur Rit Govt. Skul L.P. School
-
Ban ïoh rung World Record 1000 tylli ki ksing yn tem ha Wangala