Ka KSU ka la hukum ban pynkynriah mardor ïa ki nongshong shnong beaiñ na ka jaka temple Mahadev Khola ha ka sngi Thohdieng, da kaba khang noh ïa ki hotel, ki ashram, bad ki jaka sah ba la kynnoh ba ki long beaiñ. La lap ia ka jingtei be-ain hapoh ka temple complex ha ka jingjurip jong ka KSU ka Upper Shillong bad Laban Circle. Katkum ka jingong u nongialam ka KSU u bah Reuben Najiar, ka seng ka kyrshan ia katei ka temple hynrei ka pyrshah ia ka jingtei ia ki 30 tylli ki iing khlem jingbit, ki hotel, bad ki ashram. U la kynmaw ba ha u snem 2023, ka KSU ka la ujor sha ki bor ba dei peit halor katei ka mat, bad ki la kular ban ai ia ka kaiphod hapoh lai bnai.
Hynrei naduh kata ka por, ki la don katto katne ki jingtei be-aiñ. U la pynpaw ba baroh kiba sah hangta be-aiñ dei ban beh noh bad ba ka Synjuk kan ym sangeh tang ha kaba khang noh ïa katei ka jaka be-aiñ. Ka KSU ka la buh jingkylli ba kumno la ai ïa ki nongshong shnong ïa ki Card Rashon bad ki EPIC khlem da pynthikna ïa ka jingshisha jong ki, da kaba pynpaw ba kane ka thaiñ kam dei hapoh ka bor jong ka Lawsohtun lane ka Dorbar Shnong Upper Shillong.
You may also like
-
Lyngba ka CM-Connect la lah ban pynbeit 5 hajar duna na palat 7 hajar ki jingud paidbah
-
Kylla rong lieh ka surok ha Langñiuh, ïam sngewsih ki nongrep
-
U pa ieid ba 104 snem bad ki skul pynkup burom kyrpang ka Riwar Mihngi Local Dorbars
-
Ym lah ngeit ka Hima Nongkhlaw ban don 10 hajar ki Garo ba long shipai ia u Tirot Sing
-
Ther ka JAC ia u Bah Paul, ka jingkren ba ym dei ban iam ne jaw umat ka dei ka jingthombor