Ka Sorkar Jylla ka la bthah ia ka Sohra Tourism Association (STA) ba kan ai ia ka thup kyrteng jong ki jaka jngohkai bad ki jaka ba lah ban mih kino kino ki jingjia, ban pyndait noh ia ki kor ringdur Close Circuit Televission (CCTV). Kane ka sienjam ba ka Sorkar ka shim hadien ka jingjia shah pyniap u Tourist na Indore Madhya Pradesh ha ki thain Sohra.
Haba kren shaki lad pathai khubor u Myntri ka Tnat Tourism u Bah Paul Lyngdoh ula ong ba ka thong jong ka Sorkar ban pyndait kor CCTV ka dei ban pynthikna ia ka jingshngain ki paidbah khamtam ki nongwan shangkai sha kane ka Jylla. U Bah Paul ula ong ba ki jaka ki ban pyndait ia ki kor CCTV kin dei ki jaka kiba wan iuh kjat bun eh ki nongshangkai kum ha Umiam, Nan Polok, Sohra, Dawki bad kiwei kiwei.
“Hadien ba ka Tnat ka ioh pdiang ia ka thup ki jaka jngohkai pyrthei kan sa shong bishar bad kan sdang noh mardor ban leh ia ki kam pyndait CCTV” la ong u Bah Paul.
You may also like
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat