Yn shimti u samla Raymond Kharjana kum u President ka KSU

Ka Khasi Students Union (KSU) kan pynlong ia ka jingjied ia ki nongkitkam thymmai ha kaba u Samla Raymond Kharjana ula ban shimti kum u President bathymmai bad u samla Reuben Anderson Najiar kum u General Secretary bad u samla Pynkmenlang Sanmiet kum u Vice President.

Kine ki 3 ngut ki nongialam ki la thep kyrteng ban iakhun ia ka elekshon jong ka KSU, hynrei namar ka jingbym don ki dkhot ban ai reng ha ka ilekshon kumta ki la jop suk khlem don ba iakhun pyrshah.

Ka jingjop suk kine ki 3 ngut ki nongialam ka dei ruh hadien ba u President ka KSU u samla Lambokstarwell Marngar, u General Secretary u samla Donald V Thabah bad u Vice President u samla Biangbor Paliar ki la shongthait noh.

Ka Election Committee ba la jied da ka Central Executive Council (CEC) jong ka Khasi Students’ Union (KSU), kan pynlong ia ka ilekshon kaba khadhynriew sha ka ophis treikam jong ka KSU CEC na ka bynta ka samoi treikam 2026-2029 ha ka 9 tarik u Jymmang 2026 ha Dinam Hall, Jaiaw, Shillong.

Ka Election Committee ha ka 15 tarik u Iaiong 2026 kala dep ban bishar lut ia baroh ki kot ki sla jong ki 38 ngut ki kyrtong ki ban iashimbynta ha ka ilekshon.

Kiban iakhun na ka bynta ka kyrdan Assistant General Secretary ki kynthup ia u Melajied Khongbuh bad u Pynshaiborlang Rani.

Ia ka Organising Secretary kiban iakhun ki kynthup ia u Cleenstar Shabong, Samuel Shabong, Hopefulborn L. Mawnai bad u Nangrikupar Malngiang.

Ha ka Education Secretary kiba iakhun ki kynthup ia u Alerick Kharjana, Nangshngainbha Lakiang, Andrew Gary Dkhar, Robinnestar Nongrem bad u Samuel L. Nonglait.

Ha ka Information & Publicity Secretary ki kynthup ia u Pynshai Kupar Dkhar, Shelkitbok Kharbani, Jeremaiah Pohthmi, Sandy Sohtun bad u Michael Mawa. Ia ka Office Secretary kiba iakhun ki kynthup ia u Wanmi-Shai-I Khongjoh, Gary R. Mawlieh, Dennyson Nongpluh, Mankhrawbok Marbaniang, Edmund Marboh, Wallamkupar Majaw bad u Pynshngainlang L. Lyngkhoi.

Ia ka Sports & Cultural Secretary ki kynthup ia u Eric Anthony Nongkynrih, Kevin Nelson Wanrap, Gerald Ford Langstieh bad Badonbok Malngiang.

Ha ka Environment Secretary ki kynthup ia u Kevin Phrangsngi Nongkynrih, Samuel Kharbani, Shiningstar Kharbihkhiew, Welborn Nonglang, Bankerlang Mukhim, Badonkupar Kharmalki, Pynbiangbor Kharsyntiew bad Basuklang N. Khongwar.