U Myntri Rangbah ka jylla u Conrad K Sangma ula pyntip hapoh ka Dorbar ba ki don 666 tylli ki Aganwadi centre ha ka jylla ba shu shongwai shipor.
Ia kane u Myntri Rangbah ula pyntip ha ka kynta kylli jingkylli ba la wanrah da u MLA u Mizanur Kazi.
U Conrad ula ong ba ka sorkar ka la shim ia ki sienjam ban pynbha ia ki Aganwadi centre hapoh ka Meghalaya Early Childhood Development Mission.
U la ong ba ki don 6188 tylli ki Aganwadi centre ha ka jylla bad na kine, 5022 tam la pyniaid ka sorkar bad 1071 tylli ki biang ka um, painkhana.
Ula pyntip ba la mang T.64 klur ban pynbha maramot ia ki Aganwadi centre ha ka jylla na ka pisa ba ioh ram nabar.
U Myntri Rangbah ula iathuh ha Iingdorbar na ka 6188 tylli ki Centre, ki don 2,148 tylli ki centre kiba dang maramot bad 1670 ki dei kiba la dep ban pyntrei bad ia kiba sah yn sa pyndep noh shen.
La pyntip ruh ba la ai jingbam 25 sngi ia ki khynnah ha ka shi bnai hapoh ki Aganwadi centre kiba kynthup ia ka jaka khluit ba la shet ha Aganwadi centre ia ki khynnah hapdeng 3-6 snem bad la ai ruh ia ki marbam ban kit sha iing ia ki khynnah hapdeng 3-6 snem bad ki kmie ba armet bad kiba khynnah lud.
You may also like
-
Ka sorkar kan tei sa 4 tylli ki 5 Star Hotel kynthup ha Tura
-
Kat bym pat pynbeit ki kynrum kynram dawa pynsangeh ka JSU ia ka eksam DSC
-
Shlem ban pyndep ka skhim sam um ha Nongpoh ba pyrshah ka JACWU
-
Plie helpline ka Mehalaya ban iarap kiba sah ha Nepal
-
Lai sien la khot EOI ym don ba kwah Pulom ka jingpyntreikam ia ka Shopping Mall Polo ba heh palat ka dor