U Myntri ka tnad PHE u Marcuise N Marak ula ong ba ka daw ba slem ka skhim Sam um ha Nongpoh ka dei ba pyrshah ka Joint Action Committee Wah Umran (JACWU) bad ka jingujor ka tnad khlaw ha Umsaw Range Forest.
Ia kane u myntri ula jubab halor ka jingkylli kaba la wanrah u MLA ka Nongpoh bah Mayralbon Syiem.
U Myntri ula pyntip ba la dep 75 percent ka jingtrei bad yn pyndep ha u Nohprah 2026.
Ula iathuh ba haba iadei bad ka JJM 2.0, dang shen ka sorkar India kala pyllait pisa la kot sha T.336.02 klur.
Ki don ruh 700 ki tyllong um kiba ring sdot ha ka jylla bad ka tnad ka dang shim ia ki lad ki lynti ban iada ia ki.
U Myntri ula pyntip ba khnang ban tehlakam ia ki lad ki lynti ban iada ia ki tyllong um, kum ki wah duid, ki umpohliew, da kaba thung da u dieng Miyawaki, ka jingshna da ki check dam, bad kiwei ki lad ban pynneh ia ka um bad ka khyndew bad khamtam ka jingiatreilang bad ki shnong ki thaw bad ki paidbah ryngkat ka tnad PHE.
Ha kajuh ka por, u myntri ula pyntip ba la leh test 3336 tylli ia ka um ha Ri-Bhoi hynrei kam don eiei kaba ktah ne ka jingsniew jong ka um.
You may also like
-
Ka sorkar kan tei sa 4 tylli ki 5 Star Hotel kynthup ha Tura
-
Kat bym pat pynbeit ki kynrum kynram dawa pynsangeh ka JSU ia ka eksam DSC
-
666 tylli ki Aganwadi centre ki treikam ha ki iing shongwai
-
Plie helpline ka Mehalaya ban iarap kiba sah ha Nepal
-
Lai sien la khot EOI ym don ba kwah Pulom ka jingpyntreikam ia ka Shopping Mall Polo ba heh palat ka dor