Da ki spah ngut ki samla pule ka College of Post Graduate Studies in Agricultural Science, Umiam ki la mih madan ban dawa weng kam mardor ia u wei u professor halor ka jingkynnoh donkti ban leh kynshleiñ ia kawei ka samla pule ha katei ka skulbah. Kumba la sakhi mynta ka step, da ki spah ngut ki samla pule ki la rah da ki poster bad ban pyrta ia ki jingdawa ban weng kam mardor ia u professor Pranab Dutta, uba bat ruh kum u Chairman ka School of Crop Protection ha ka skulbah CPGSAS, CAU (Imphal) Umiam.
Ki samla pule ki la kynnoh u tei u professor ula donkti ban leh kynshleiñ ia kawei ka samla pule la katto katne por, hynrei wat la na ka liang ki samla pule ki la ujor sha ki bor ba dei peit ia kane ka skulbah kam shym la don pat ka jingshim khia haduh mynta.
Kumta ban pynsawa ia ka jingdawa weng kam ia u tei u professor Pranab Dutta, ki samla pule ki la mih shakhmat ban pynjur ia ka jingdawa weng kam khnang ba kane ka jaka pule kan long kaba shngaiñ na bynta ki samla pule kynthei bad lada ka jingdawa kam urlong kum ki samla pule kim banse ban pynjur ia ka jingiakhih bad ban ujor ruh sha ki bor ba kham shalor jong kane ka jaka pule.
You may also like
-
Kyntait u Bah Brightstarwell ia ka khubor ban iakhun u Bah Ardent na Mawlai
-
Ki kynthei ha Jylla ki nongiada ia ka khyndew bad noh synniang ia ka rep ka riang
-
Ha Nongkhyllem la pyllait ia u khla Thapbasim bad Kyrbei
-
Ioh khusnam ‘Lifetime Achievement Award’ u Dr RS Thangkhiew halor ki kam ai jingsumar
-
Shah kem uba thmu leit Delhi ha kad liengsuin Imphal ba kit drok