Pynpaw ki pulit ia ki jingeh ha Conference SSP-CO’s, yn shim khia ka sorkar jylla

U Myntri Rangbah ka Jylla Conrad K Sangma hynne ka sngi ula shim bynta ha ka SSP-CO’s Conference 2026 ba la pynlong ha Tree Houde, West Garo Hills Tura ha kaba ki nongialam ba ha khliehduh bad ki Field Officer ka Tnad Meghalaya Police ki la shim bynta ban iatai halor ki jingtreikam bad ka jingpynkylla rukom treikam bad ban tehlakam ia ka shongsuk shongsain.

Ka jingialang ka la sdang da ka jingpynkup burom ia ki heh ki hain bad la ai ia ka jingkren pdiang sngewbha da u A Goenka, Inspector General of Police (CID), Meghalaya bad la pyllait ia ka Training Manual bad ki jingai jingkren kiba long halor ki mat ba kongsan jong ka kam Pulit bad jingpyniaid ia ka Tnad.

Ka Director General of Police (DGP) ka Kong I Nongrang ka la ai jingkren halor ki rai ba la shim da ka DGsP/IGsP Conference 2025, bud da ka Action Taken Report halor ka SSP-CO Conference jong u snem ba la lah da u JG Momin, Deputy Inspector General of Police (A) Meghalaya Shillong bad la ai jingkren ruhn halor ka Law and Order, ka PIMS bad ka Complaint Management System ba kynthup ia ka CM Connect, 1930 Cyber Helpline, CCTNS bad kiwei kiwei.

Haba kren u Conrad K Sangma ula pynpaw ka SSP-Cos Conference ka pyni ia ka jingnang janai ha ka rukom treikam ka Tnad bad ai khublei ia ka DGP ba ka la shimkhia ban pynlong kum kane ka Conference ka donkam man ka por bad ula pynpaw ka jingbym don ki jingialang ha ki snem ba dep ka wanrah ka jingdkoh treikam hapoh ka Tnad pulit.

U la ong, ka jingthmu ba hakhmat ka long ban ai ka rynsan ba ki Ophisar ki lah ban pynsngew ia ki jingeh bad ki jingtynjuh bad ban jur ba donkam ki lad ki lynti ban weng ia ki jingeh kiba long ki maw jynthud ia ka jingiaid beit ki kam.

Ula kdew katto katne ki mat ba la pynsngew da ki ki ophisar, kynthup ia ki kam ba ia dei bad ka NPS bad pynpaw ka jingsngewkhia kim shym wanrah sha ka Sorkar watla ki la slem bad ula pynthikna watla ym lah ia baroh ki mat hynrei kin pyrshang ban wanrah ki lad ki lynti ban pynbeit bad ka sorkar kan ïai bteng ban buddien pynbeit ryntih.

U Myntri Rangbah ula ai jingmut ban wanrah ki mat kiba mih na kane ka conference sha ka jingialang bishar kam hapdeng u Myntri Rangbah, DGP, ka Tnad kam Pohiing bad u Myntri ba dei peit khnang ban shim rai.