U Chief Electoral Officer ka Jylla u Dr BDR Tiwari ula pyntip ki don 2166 ngut ki nongthep vote ha Meghalaya ba kyntait ban ai ia ki Enumeration Form ha ka Special Intensive Revision (SIR), 2026 kaba dang iaid mynta.Haba iakren bad ki nongthoh khubor u Dr BDR Tiwari ula ong, ki don 2166 ngut kiba kyntait ban ai phom ban pynrung kyrteng bad ula maham ki bym ai phom hapoh ka por ba la buh kin ym mih kyrteng ha ka Draft Electoral Roll ban pynmih ha ka 5 tarik u Nailar.“Ki nongthep vote ki bym pat ai ia ki phom, la kyntu ki dei ban ai noh mardor ha ha ki BLO ne shu pynreng kyrteng da lade ha ka ECINET App ne Portal,” la ong u CEO. U Dr Tiwari ula bthah ia baroh ki Booth Level Officer ban leit mardor ha man ki longiing ba dang sahteng ban pyndep.
La iathuh katkum ka jingpynbeit thymmai ba la pynbna ha ka 28 tarik u Naitung, ki don 1,49,656 ngut ki nongthep vote ne 6.37% ha jylla bad na kine 23,49,645 ngut ki nongthep vote ki lah pynhap ha ka kyrdan Absent, Shifted, Death bad Duplicate (ASSD) bad kine ki kynthup ia ki 74,851 ngut ba khlad noh, 37,914 ngut ba kynriah jaka sah, 28,826 ngut ba khlem wan, 5,899 ngut ba pynrung kum ki ‘Duplicate Entry’ bad 2,166 ngut ba la kyntait ban ai ia ki phom. Nalor kata ki don 2,24,435 ngut ki nongthep ki hap hapoh ka kyrdan ‘No Mapping’ bad ki donkam ban pynshisha shuh shuh ia lade.
U CEO ula ong, baroh ki ASSD bad ba kyntait ban ai phom kin pyrkhing ban Registration Electors Rules, 1960, hadien ba la dep pynshisha bad ai lad ki nongthep vote ne ki dkhot ka longiing bad ula kyntu ki nongthep vote ba dang sah kin iashim ban pynthikna ban kynthup ia ka kyrteng ha ka Electoral Roll thymmai.
You may also like
-
Lada ïai ïuhroit ïa ki longkmie pyrshah Ropeway, ym banse ban mih surok: Ardent
-
Sa ha Jowai ïakhih ki nonghikai Deficit
-
Shuwa ban sdang proseshon jurip u MLA ïa ka surok ha Maweit
-
Sdang ka tamasa ka thoh ka tar balai sngi ha Nan Polok
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
