Da ka jingtrei shitom jong ki bor pulit ka Ri Bhoi District ban rat dyngkhong ia ki kam thok kam shukor lyngba ki rynsan social media, ki pulit ha ka 23 tarik Jymmang ki la ioh kem ia u wei u briew ba la kynnoh donkti ban thaw rynsan social media ha ka kyrteng u heh Pulit ka Meghalaya bad ban thok pisa ia katto katne ngut ki briew.
Katkum ka jingpyntip da ki bor pulit, la iathuh ba ia u tei u briew ba la tip kyrteng kum u Jahul Ali na ka shnong Kakrali Meo jong ka Alwar District Rajasthan, la ioh ban kem ha ka 23 tarik Jymmang na Jaipur hadien ba ula thaw ia kawei ka rynsan social media ha ka kyrteng u heh Pulit jong u Vivekananda Singh Rathore, IPS uba bat ruh kum u DIG ka Western Range jong ka jylla Meghalaya
Ki pulit ki la pyntip ba ki pulit ki la ioh jingtip halor kane ka kam shukor jong u ne u briew hadien ba la don katto katne ngut kiba la ngat ha ka jingshah shukor pisa ha utei u briew ha ka kyrteng u heh pulit IPS bad la ujor ejehar ha Nongpoh Police Station.
Hadien ka jingtohkit bad ka jingwad bniah ba bniah ki pulit ki la ioh kem noh ia u tei u briew ba la rejister mukotduma katkum ka Bharatiya Nyaya Sanhita (BNS) bad Information Technology Act bad ka jingtohkit ban thwet ia kiwei pat ba donkti ka dang iaid shakhmat.
You may also like
-
Ka Sohra ka dei u Syntiew ka Ri Khasi ha ki kam jngoh kai pyrthei:Dr DRL Nonglait
-
Ai khublei bad pynkup burom ka KSU ia u DC Ri-Bhoi
-
Kwah ka NEHUTA ia u VC batbit ban kyntiew ia ka NEHU
-
Puk leit tur ki ar shaka ophis DTO ba byrngem tan ka sorkar ba kamai beain
-
Duhnong ki Khasi-Jaiñtia ba pynkhih ‘Reservation’ lada poi lei sha iing bishar 50 percen yn ioh ki bar jylla