Ka Jubilee RCLP School, Umpling, Mawsiatkhnam da ka jingisynei jong U Blei ka la ioh ia kamra klas bad kamra nonghikai kaba ka skul bad ki nonghikai ki donkam eh.
Ia kane ka kamra klas bad kamra nonghikai la plie bad khap ribon da u phadar Rev. Ambrose Lamin ha ka jingdon ryngkat lang bah PT Sawkmie, MLA barim, bah Kularskhem Khongphai, u rangbah Balang, secretary Balang, ki dkhot ka CMC, ki longkmie bad kiwei kiwei.
Ka la long ka jingkmen bakhraw ia ki paidbah ka thain, kiba la ioh ban sakhi ia kaei kaba U Blei u la shah shkor bad iohsngew ia ka jingduwai jong ki na ka bynta kine ki jingdonkam.
Haba ai jingkren u phadar Ambrose u la ai khublei bad pynpaw ia ka jingsngewnguh ia baroh kiba la nohsynniang na ka bynta kine ki kamra.
Katba na ka liang u bah PT Sawkmie u la pynpaw ia ka jingsngewkmen ba la ioh ban plie ia ka kamra klass ba la pynkha bad ia ka kamra ki nonghikai kaba la long ka jingkyrkhu na ka bynta jong ki, naba ki la angnud la slem bah ia kane.
La ioh ruh ia ka jingkren na rangbah balang bah Teibok Lyngdoh uba la iathuh khana lyngkot halor kumno ba ki la lah ban urlong ia kine ki kamra baroh ar.
You may also like
-
Lum u Bah Martle ia ka jngialang PAC ban iathir ia ka jingkordor ka synshar paidbah
-
Ioh khusnam Best Teacher’s District Award u Babu Aibor Sing Kharpan ka Nehru Memorial skul
-
Kan ym shet kylla ia ki paidbah bad ka jaidbynriew: Sniawbhalang Dhar
-
Hadien 25 snem ioh iing skul thymmai ka Lebiwell Memorial Secondary School
-
Kem ka SIT ia u nongialam KSU, bitar ki longkmie Nongmensong