Ka Plenary Session ka NEC kan kyntiew ia ka roi ka par ka thain ryngkat ka mang tyngka

Ka North Eastern Council (NEC) kan pynlong ïa ka Plenary Session ba 73 ha ka 4 tarik Jylliew, 2026 ha Shillong hapoh ka jingpynïaid u Myntri kam pohïing jong ka sorkar pdeng bad u Chairman ka NEC, u Amit Shah. Ha kane ka jingialang yn donlang u Myntri Sorkar Pdeng ba peit ia ka Tnad Development of North Eastern Region (DoNER) uba dei ruh u Vice Chairman ka NEC, u Jyotiraditya M. Scindia, u Myntri Khynnah ka Tnad DoNER, u Dr. Sukanta Majumdar, ki Lat bad ki Myntri Rangbah jong phra tylli ki jylla ka thain shatei lammihngi bad kiwei ki dkhot bad ki ophisar ka sorkar pdeng bad ki sorkar jylla. Ka jingïalang shwa ka Plenary ban ïakren halor ki sienjam ba kongsan kum ki kam ba ia dei bad ki siej, Agarwood bad Ashtalakshmi Darshan bad kiwei ki mat kan long ha ka 3 tarik Jylliew, 2026.

Ha ka jingïalang yn ïa shim bynta da u Secretary, MDoNER bad ki Chief Secretary jong phra tylli ki jylla ka thain shatei lammihngi, Secretary NEC lem bad ki heh ophisar ka Tnad DoNER, NEC ki sorkar jylla bad kiwei ki Tnad Sorkar Pdeng. Ka North Eastern Council ka la sdang hapoh ka North Eastern Council Act, 1971, ka long kum ka kynhun pynkhreh kam ba heh na bynta ka thain shatei lammihngi bad ka don ka bynta ba kongsan ban kyntiew ia ka roi ka par bad ka synshar paidbah kaba iatreilang ha ka thain. Ka Plenary session ha ka 4 tarik Jylliew, 2026 kan iakren bad pyrkhat sani halor ka jingiaid shaphrang ki CM High-Level Task Force ba la sdang na bynta ki kam ba kongsan jong ka roi ka par ha ka thain. Yn ai ia ki jingbatai shaphang ka kam jngohkai pyrthei, Ka rep ka riang bad ka kam Horticulture, ka Jingkyntiew ia ka jingbei tyngka, ka Jinglah kyrshan da lade ha ka kam ba ia dei bad ka Dud, ki pylleng, Dohkha bad ka Doh. Ka jingkyntiew ia ka kam ialehkai ki lad ka ioh ka kot. La khmih lynti ba ki jingiakren kin pynsuk ia ka jingtreikam ban iatreilang hapdeng ki Jylla bad kito kiba don bynta ha kane ka kam na bynta ban pynurlong ia ki thong ka roi ka par.

Ka jingialang kan peit bniah ruh ia ki sienjam ba kongsan jong ka Tnad DoNER, kynthup ia ki jingpynbna halor ki skhim bad ki prokram ba kongsan, ki jingmih na ka North East Investment Summit bad ka Bankers’ Conclave, ki sienjam ba iadei bad ki samla, bad ki jingpyrshang kiba iadei bad ka kam jngohkai pyrthei, ka jingpynpoi mar, bad ki projek Unique Selling Proposition (USP) ha ka thain. Ha ka Plenary Sessionyn ïakren ruh shaphang ka North East Vision Plan 2047, kaba thmu ban pynbiang ia ka rukom treikam kaba jrong samoiban pynkylla ïa ka thaiñ shatei lammihngi sha ka jaka pdeng kaba khlain ha ka jingkiew ka ioh ka kotbad ka jingriewspah ka kolshor shuwa ka jingdap shispah snem ka jingïoh laitluid jong ka ri India. Ki Dkhot jong ka North Eastern Council kin ïasam ruh ïa ki jingmut jong ki halor ki jingthmu pynroi ha ka thaiñ bad ki lad ki lynti ban pynkhlaiñ ïa ka jingïatreilang hapdeng ki jylla.