U Myntri Khynnah ka Sorkar Pdeng uba peit ia ka Ports, Shipping bad Waterways bad u nongialam ka Bharatiya Janata Party (BJP) u Santanu Thakur ula ong, ka Sorkar Pdeng ka phaikhmat ban pyndep ka jingker sainar shiah ha ki thaiñ khappud bad ka Ri Bangladesh bad kan shimkhia ban pyndep ka jingker sainar shiah ha ki jaka ki bym pat dep khappud India- Bangladesh. “Ka Sorkar Pdeng lyngba ka Home Ministry ka phai khmat ban pyndep ka jingker sainar shiah ha West Bengal. Kaei ba nga pyrkhat ka dei halor ka mat bad ka ri Bangladesh bad ka mat ban ker sainar shiah” la ong u Santanu Thakur.
Ula bynrap lada ka don ka jingduna ha ka jingker sainar shiah, ka tnad Ministry Home Affairs kan shimkhia ban pyniaid shakhmat ia ki jaka ba sahteng na bynta ka jingmyntoi ka ki paidbah. Halor ki kam ba la pyntrei ha ki 12 snem ha jylla Meghalaya bad ka thain shatei lammihngi hapoh ka Sorkar NDA, u Shantanu u la ong, “Ia mynta ngi don State Convention Centre ha Meghalaya bad ban sngewthuh ia ka jinglong jingman ki jingtrei ha ki 12 snem hapoh ka jingialam u Myntri Rangbahduh ban pyndep noh ia ia kiba dangsah”.
“Ki don bun ki mat ym tang ha Meghalaya, hynrei ha ka thain shatei lammihngi baroh kawei, u Myntri Rangbah duh u thrang ban kyntiew ha baroh ki liang ha thain shatei lammihngi. Nga kyrmen ka kabu ka long ban pynbha naduh ba wan ka sorkar NDA ha kylleng ki jylla” ula ong. U Shantanu ula ong, ki jingtip nga lah ioh ki long ba biang bad nangne shakhmat, ka sorkar kan shimkhia ia kam baroh.