Kynnoh jrong kti u nurse shynrang ïa kawei ka samla lud ha NEIGHRIMS

Ka Khasi Students Uion (KSU) Mihngi Circle hynne ka sngi ka la leit ban kynduh ia u Medical Superintendent ka NEIGHRIMS hadien ba ka la ioh jingtip halor ka jingkynnoh ba don uwei u nurse bar jylla na Rajasthan ula jrongkti ia kawei ka samla lud kaba hapoh 18 snem.

Haba kren sha ki lad pathai khubor u nongialam ka KSU Mihngi Circle u samla Samuel Kharbani ula ong ba kane ka jingleit kynduh ka seng ia ki bor pyniaid ka NEIGHRIMS ka long ba kila ioh jingtip ba don uwei u bar jylla na Rajasthan uba la tip kyrteng kum u Hari Narayan ula leh ia ka kam pohjait ia ka khynah ba tang hapoh 18 snem ka rta.

“Ha kane ka jingiakynduh ngi la buh jingkylli ia ki bor pyniaid ka NEIGHRIMS halor kane ka jingjia hynrei kaba sngew lyngoh ka long ba ki la kynnoh ba kane la leh da ka tnad pulit. Hynrei haba ngi kylli ia ka tnad pulit balei kam shym la leh eiei, ka tnad pulit ka la ong ba ka dang bunkam ban leit shim ia ki file bad wad ia ki kot ki sla,” ong u samla Samuel.

Katkum ka jingiathuh u samla Samuel, ki longiing jong kane ka khynnah ki ladep ujor da ka ejahar ha Mawdiangdiang Police Outpost.

“Kine ki jingjia ha NEIGHRIMS ka ju iai jia na ka por sha ka por bad ka NEIGHRIMS kam don ka jingkitkhlieh eiei bad i kumba kim tip eiei ia kaei kaba la jia watla , ka la jia la ar sngi,” ula ong.

Ki nongialam ka KSU ki la kam ba kine ki nurse na Rajathan kidei kiwei na ki nurse kiba ju wan pynkulmar ha kane ka hospital bah. Kila pynkynmaw ruh ba dang shen hadien ba ka KSU CEC ka la iakren ban weng noh ia kine ki nurse hynrei la bna pynban ba ka eksam thymmai ka la jan wan biang.

Na ka liang ka seng ka la dawa ba ki pulit ki dei ban kem mardor bad ban pynshitom ia une u bar jylla katkum ki kyndon jong ka ain.