U Myntri Rangbah ka Jylla u Conrad K Sangma ula ong ba ka Sorkar ka dang pule bniah ïa baroh ki daw ba pynlong ïa ka jingshlei um ha Jorabad Ri-bhoi District bad ka dang wad ïa ki lad ki lynti ban weng ïa ka jingeh ki paidbah.
Haba kren sha ki lad pathai khubor u Conrad ula ong, ba ka jingtei ïa ka surok ka la wanrah ïa kawei ka jingeh, namar ka don ka bynta kaba long kum ka jingker kaba pynlong ïa ka um ban lang bad lum ha ka jaka kaba don hapoh ka flyover.
U Conrad ula ong namar ka jaka ha trai jong ka Flyover ka long ba kham jylliew, ka um ka lang sted bad wanrah ia ka jingshlei um.
Ula ong ba lah ban don ruh kiwei pat ki daw ba pynlong ïa ka jingshlei um, ka Sorkar bad ki bor District ki hap ban peit bniah ïa baroh kine ki bynta.
U la bynrap ka Sorkar ka sngewkhia halor ka jingeh ki paidbah bad ka thong ka long ban wad ïa ki lad ki lynti ban pynduna ïa ka jingeh na bynta ka jingshngain ki paidbah ban leit ban wan.
U Myntri Rangbah ula pyntip ba ki Deputy Commissioner jong ka Meghalaya bad Assam ki la ïatreilang ban peit ïa kane ka mat bad ka Sorkar ka kyrmen ban shem ïa ka sienjam ba shipor bad ruh ka lad ka lynti ba neh slem ban pynbeit ïa kane ka jingeh.
You may also like
-
Ka Byrnihat kam lait na ka jingjaboh namar ka don marjan bad Assam
-
Pynjlan ka sorkar 3 snem ia ka EVP ban ai jingiarap thied kali ilektrik
-
Bthah u Dy CM ia ki tnad ban ai kaiphoid ia kiba sah ha Them Iew Mawlong
-
Shim bynta u Lat bad ki samla pule ban bam smai ia ki kular ka Nasha Mukt Bharat Abhiyan ban iakhun pyrshah ia ki jingdih ba sniew
-
Pdiang ka Kur Talang ia ka jingpynkylla u “Rahul Kumar” sha u “Pyndaplang Talang”