Tang hadien katto katne por ka North-East Petroleum Mazdoor Union (NEPMZ) ka la pynsangeh ban kit umphniang Petrol, Diesel bad tyndong lyer shet jingshet ne LPG na Assam sha Meghalaya, ka nongbah Shillong ka la sakhi ba don ki Petrol Pump ba khangdam hynne ka sngi.
La sakhi naduh thain Mawiong-Mawlai ki don katto katne ki petrol pump ba la khang khyrdep namar bym don Petrol shuh.
Ha ki thain Nongmensong shaduh New Shillong Township ruh ki petrol pump ki khang khyrdep.
Ki la iathuh ka jingkhang ia ki Petrol Pump ka dei namar bym don shuh naduh ka miet 21 tarik u Nailar.
La iathuh ha ki thain Malki, Dhanketi shaduh Nongthymmai ruh bun ki Petrol Pump ki khang hadien ba plie katto katne kynta namar bym don Petrol shuh.
Ki don katto katne ki Petrol Pump ba plie kiba don tang ka Diesel.
La sakhi ki paidbah naduh dang step 22 tarik Nailar ki la ieng lain ha ki Petrol Pump ban theh umphniang ia ki kali bad arshaka.
Ha Malki Point Petrol Pump la sakhi ba ki trai Petrol Pump ki la mang tang mar T.200 ia ki ar shaka bad mar T.1000 ia ki kali.
Hynrei kaba sngewtynnad ka long ba ka Petrol Samkhamti ba don ha Demseiniong haduh 6:30 ka dang ai pahuh ia ki trai kali bad arshaka ban thied Petrol khlem buh kyndon bad ka shong ha ki nongthied katba ki lah.
You may also like
-
Ban plie lad ia ki samla bad pynkhlain ia ka pule puthi
-
Buh Mawnongrim u Conrad ia ka Hospital ba T.65 klur ban ai jingsumar ia ki mrad
-
Pynkup burom ka MGU Ïa ki samla pule ba pas bha
-
Pyllait u Conrad bad Bah Sanbor ïa ‘Ki Dienjat’
-
Syrtap ki pulit RAF ha Khyndailad ban khanglad ia ki nongshim kabu bad pynthud ai ka shongsuk shongsain