U Lamphang ka Ïingdorbar ThawAiñ ka Jylla Meghalaya, u Bah Thomas A. Sangma ula ïakynduh ïa u Myntri Tribal Affairs ka Sorkar Pdeng u Jual Oram, ha ka ophis treikam hynne ka sngi Thohdieng bad ula ai ka Detailed Project Report (DPR) na bynta ka wat ba-ar (phase-II) ka iing Dorbar Thaw Ain.
Ha kane ka jingïakynduh, u Lamphang u la pynpaw ïa ka mat ba dang sahteng ka bhah jong ka Central scholarship na bynta ki samla pule riewlum jong ka Jylla Meghalaya. U la kyrpad ia u myntri sorkar pdeng ban pyllait kloi ia ka pisa scholarship ba dang sahteng.
Shuh shuh u Thomas A. Sangma ula kyrpad ïa ka pisa scholarship ba dang sahteng dei ban pyllait noh shisien pyllait ym ban pyllait ar lai sien. U la pynpaw ka jingpyllait pisa ha kawei ka bynta kan iarap ban pyllait ia ki samla pule kiba ap ka jingiarap lyngba ka scholarship.
U Lamphang ula ban jur ïa ka jingdonkam ban pyllait ka pisa scholarship ha ka por ba biang khnang ban pynthikna ba ki samla pule riewlum ha Meghalaya kin ym ïakynduh ki jingeh ban bteng ïa ka jingpule jong ki.
Kane ka jingïakynduh u Lamphang ula iakren ïakren ruh halor ki mat ba ïadei bad ka roi ka par ka Ïing Dorbar Thawaiñ ka Jylla Meghalaya bad ka bha ka miat ha ka pule puthi ki samla riewlum ha ka Jylla.
You may also like
-
Ki bor pahara kin iaid bteng ha sor Shillong katba ki paidbah kim pat shngain
-
Ka sorkar ka dei ban kitkhlieh ia ki jingjia ha Jylla, ong u bah Pala
-
Ngin Ym Pyndem, Ngin Ia Khun Haduh Da Jop | Khot Ka AKMTTA Ïa Ki Nongñiah Kali Ban Ai Jingkyrshan
-
Sha Garo Hills kynriah ia ki nongialam KSU, nangjur ka jingiakhih, shah thang kali ha Nongstoin bad ophis NPP
-
Ki kali Assam kim dei ban wan rung lada ki kali Meghalaya kim ioh ban iaid ha Assam: AKMTTA