Ka Meghalaya Pradesh Congress Committee (MPCC) ka la pynrem jur ia ki jingjia dang shen kaba la wanrah ka jingsheptieng, ka jingeh ia ki paidbah ka jylla Meghalaya. U president ka MPCC u Bah Vincent H Pala u la ong ba ka sorkar ba ialam da ka NPP ka dei ban shim ia ka jingbahkhlieh halor ka jingbym lah ban tehlakam ia ka jinglong jingman bad ka shong suk shongsain.
Ula ong ba ka jingjia kiba dang shen ki la ktah ia ka jingshaniah jong ki paidbah bad pynthut ia ka iaid ka ieng jong ki paidbah kaba man ka sngi. U bah Pala ula kynnoh ba wat hapdeng ki dak ba ka lah ban mih biang ka jingkulmar hynrei ka Sorkar kam shym la ai jubab kaba biang shaka kynhun kaba lamkhmat iaka jingiakhih. Ula ong ba ka jingiakhih kala ktah iaka jingwan poi ki ba ki dawai, ki marbam, ki mar ba kongsan, ka jingleit shim shaki jaka sumar, ki nongtrei, ki samla pule bad baroh ki nongleit nongwan.
Halor ka jinglong jingman ha khappud Meghalaya-Assam, ka Congress ka la ong ba donkam ka jingiatreilang bad ka jingïakren hapdeng baroh ar ki Jylla lyngba ka jingshim iaki sienjam ki ban myntoi ia baroh ki nong shong shnong. Na ja liang ka MPCC ka la kyntu ia ka Sorkar Jylla ban wanrah biang ia ka jingshaniah jong ki paidbah, ban pynthikna ia ka jingwan poi ki marbam bad kiwei ki jingdonkam.
You may also like
-
Don ki bor ba pyrshang tan ia ki MLA ha kiwei ki Party: Dr Mukul
-
Sam pata u MR ia ki nongshong shnong ba sah ha jaka sorkar
-
Kyntait u Bah Titos ia ka khubor ba thmu leit iasoh BJP ki MLA UDP
-
Ka Along ka phrang bad pynsatar ka mynsiem jingialeh ia ka jaidbynriew: KSU
-
Ki surok ha New Jirang ki la sniew lut, palat 28 snem ka PWD kam shym maramot