Ka Meghalaya Pradesh Congress Committee (MPCC) ka la pynrem jur ia ki jingjia dang shen kaba la wanrah ka jingsheptieng, ka jingeh ia ki paidbah ka jylla Meghalaya. U president ka MPCC u Bah Vincent H Pala u la ong ba ka sorkar ba ialam da ka NPP ka dei ban shim ia ka jingbahkhlieh halor ka jingbym lah ban tehlakam ia ka jinglong jingman bad ka shong suk shongsain.
Ula ong ba ka jingjia kiba dang shen ki la ktah ia ka jingshaniah jong ki paidbah bad pynthut ia ka iaid ka ieng jong ki paidbah kaba man ka sngi. U bah Pala ula kynnoh ba wat hapdeng ki dak ba ka lah ban mih biang ka jingkulmar hynrei ka Sorkar kam shym la ai jubab kaba biang shaka kynhun kaba lamkhmat iaka jingiakhih. Ula ong ba ka jingiakhih kala ktah iaka jingwan poi ki ba ki dawai, ki marbam, ki mar ba kongsan, ka jingleit shim shaki jaka sumar, ki nongtrei, ki samla pule bad baroh ki nongleit nongwan.
Halor ka jinglong jingman ha khappud Meghalaya-Assam, ka Congress ka la ong ba donkam ka jingiatreilang bad ka jingïakren hapdeng baroh ar ki Jylla lyngba ka jingshim iaki sienjam ki ban myntoi ia baroh ki nong shong shnong. Na ja liang ka MPCC ka la kyntu ia ka Sorkar Jylla ban wanrah biang ia ka jingshaniah jong ki paidbah, ban pynthikna ia ka jingwan poi ki marbam bad kiwei ki jingdonkam.
You may also like
-
Ki bor pahara kin iaid bteng ha sor Shillong katba ki paidbah kim pat shngain
-
Kynduh u Lamphang ia u Myntri sorkar pdeng, ai DPR na bynta Iing dorbar, kyntu ban pyllait kloi ka Scholarship
-
Ngin Ym Pyndem, Ngin Ia Khun Haduh Da Jop | Khot Ka AKMTTA Ïa Ki Nongñiah Kali Ban Ai Jingkyrshan
-
Sha Garo Hills kynriah ia ki nongialam KSU, nangjur ka jingiakhih, shah thang kali ha Nongstoin bad ophis NPP
-
Ki kali Assam kim dei ban wan rung lada ki kali Meghalaya kim ioh ban iaid ha Assam: AKMTTA