U Myntri ka tnad Kam Jngohkai ka jylla u Timothy D.Shira ula pyntip ha iing dorbar hynne ka sngi ba haduh mynta ki don 2 tylli ki 5 Star hotel ha Shillong.
Haba jubab halor ka jingkylli ba la wanrah da wanrah u MLA u Rupert Momin, u Myntri ula pyntip ba ka sorkar kan sa tei shuh shuh ia ki 5 star Hotel kiba kynthup ha Shillong, Umiam, New Shillong, Sohra bad ha Tura.
Halor ka jingkylli bynrap haba iadei bad ka projek Ropeway ha Lum Shyllong, u Myntri ula iathuh ba kane ka projek ka dang iaid shakhmat.
U Myntri Rangbah ka jylla u Conrad K Sangma haba bynrap jubab ula iathuh ba kane ka projek Ropeway ha Lum Shyllong ka dei T.151 klur bad ka jingtrei ka dang iaid shakhmat.
“Ia kane ka projek la sdang ha u bnai Rymphang, 2025 bad la khmih lynti ba kane ka projek yn pyndep ha u Rymphang, 2028,” ong u Conrad.
U Myntri Rangbah ula iathuh ba ia kane ka projek la leh katkum ki kyndon ka ain bad kam don kano kano ka jingiaid lait.
Na ka liang u Conrad ula ong ba ka sorkar ka la leh ia ka bynta ba iadei bad ka mariang bad ka jingktah jong ka ha kaba ia dei bad kane ka projek.
You may also like
-
Kat bym pat pynbeit ki kynrum kynram dawa pynsangeh ka JSU ia ka eksam DSC
-
Shlem ban pyndep ka skhim sam um ha Nongpoh ba pyrshah ka JACWU
-
666 tylli ki Aganwadi centre ki treikam ha ki iing shongwai
-
Plie helpline ka Mehalaya ban iarap kiba sah ha Nepal
-
Lai sien la khot EOI ym don ba kwah Pulom ka jingpyntreikam ia ka Shopping Mall Polo ba heh palat ka dor