U Symbud Myntri Rangbah ka Jylla ba khmih ia ka tnat Public Works (Roads) u Bah Prestone Tynsong ula pyntip ba haduh mynta ym pat siew bai lutksan (Compensation) ia ki nongshong shnong kiba la shah ktah na ka jingthmu ban shna ia ka surok Six Lane na Jorabat shaduh Umiam bad ia ka High-Speed Corridor na Umiam sha Silchar.
Ia kane u Bah Prestone ula hapoh ka iing dorbar thawain haba jubab ia ka jingkylli ba la wanrah da u MLA ka Nongkrem constituency u Bah Ardent M Basaiawmoit.
U Bah Prestone ula ong ba ka jingshim ia ki jaka na ka bynta ka National Highways bad High-Speed Corridor Project ha Meghalaya ka dei ka kam kaba dang iaid shakhmat hapoh jong ki kyndon jong ka National Highways Act, 1956.
“Ki rukom treikam ki long ban pynthikna ba ki nongshong shnong kin ioh pdiang ia ka Compensation bad Rehabilitation kaba biang katkum ka NH Act, 1956” la ong u Bah Prestone.
Halor ka jingsiew baroh ia ka Compensation na ka bynta kitei ki artylli ki projek, u Symbud Myntri Rangbah ula ong, “Ym pat shim la siew ia ka bai jaka sha ki trai shnong na ka bynta ka surok Six-Lane na Jorabat sha Umiam bad wat ia ka Compensation sha ki trai shnong ka Meghalaya na ka bynta ka High-Speed Corridor na Umiam shaduh Silchar ruh ym pat shim la siew”.
You may also like
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda
-
La 10 snem ym don jaka thiah shynrang ha Umsning CHC Ïa kynduh ki RS ia u Doktor ba dei khmih
-
Shah rong Umsaw u heprit katba dang ialehkai
-
Kyrmen u Myntri Rangbah ban ioh lum khajana kyiad T.1000 klur
-
Leit jurip u Bah Sanbor bad Bah Paul ban shna surok hajan TB Hospital