Ka sorkar jylla ka la pynkhreh ba mynta u snem kan pyllong ia ka tamasa Cherry Blossom Festival, 2026 ha sor Shillong ka New Shillong Highland Ground. Kane ka tamasa Cherry Festival mynta u snem kan long ar sngi kynthih kata ha ka 20 bad 21 tarik u Naiwieng, 2026. Ha kane ka tamasa mynta u snem, ki nongrwai nongtem ba pawnam ka jylla ki ban wan ban pynshongshit ki kynthup u Khalid, Swae Lee bad Boys Like Girls bad sa ar ngut ki nongrwai ba paw ka pyrthei yn sa pynbna shen.
Kane ka tamasa yn sdang ban pyllong beit ha katei ka madan ha New Shillong namar kane ka jaka ka long kaba suk ban leit ym tang ia ki nongshong shnong ka Shillong hynrei ia ki paid nongsngap kiba wan na Meghalaya, Assam bad ki jylla ba marjan.Kane ka jaka ka jngai kumba 30 minit na sor Shillong, bad ka pynsuk ruh ia ki nongwan na ka thain Jowai, Assam bad ki marjan.
Ki dor jong ki tiket na bynta katei ka tamasa kan sdang naduh ka T. 2,500 ka dor kaba lah ban bit ban biang ia baroh. Ia ki ticket yn sdang ban iadie naduh ka sngi thohdieng ka 4 tarik Nailur, 2026 ha ka por 6:00 baje janmiet ha ka website RockskiTickets.com.
You may also like
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai
-
Kynduh ka KSU ia u DC ban pynkynmaw ki jingdawa halor ka bording ilektrik
-
Shah khang khyrdep bun ki dukan bar jylla ha ka jingjurip kyndit ka JNC ha Khliehriat
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah