U nongialam ka National People’s Party (NPP) ba long u Symbud Myntri Rangbah ka Jylla u Bah Sniawbhalang Dhar ula pynksan ka jingiatreilang ka NPP bad ka Bharatiya Janata Party (BJP) ka dei na bynta ka roi ka par jong ka Jylla.
Ia kane ula kren halor ka jingshah kynnoh ka NPP bad ka BJP ki dei ki juh shu pher tang ka Uniform.
U Bah Sniawbhalang ula kam watla ki don ki khubor ba ki MLA ka United Democratic Party (UDP) ki mut ban iasoh sha ka Bharatiya Janata Party (BJP) hynrei ki MLA ka NPP, kin iai neh bad ka Party bad kin iai bteng ban shakri ia ki paidbah ka Jylla.
“Don ba ong ka NPP kamut BJP, ngan ong ia phi haba ngi iatreilang bad ka BJP, kam mut bad ngi dei ka juh ka kynhun, Ngi iatreilang bad ka BJP na ka bynta ka roi ka par namar ka BJP ka synshar ia ka Ri India baroh kawei” la ong u Bah Sniawbhalang.
“Ka kamram jong phi ka dei ban pynjop ia ngi, bad ka kamram jong ngi ka dei ban wanrah ki skhim pynroi” ula ong.
Haba kren shaphang ki khubor ba yn leit iasoh BJP ki MLA ka UDP, u nongialam ka NPP ula ong “Don ki nongialam kiba mut leit iasoh sha ka BJP hynrei kynmaw ba ka NPP kan nym shet kylla ia u paidbah, phi jied ia ngi ha kane ka lama (Uniform), ngin iai neh ha kane ka Uniform bad lada ngi shet kylla ia phi, ngi shet kylla ia ka jaidbynriew”.
You may also like
-
Ioh khusnam Best Teacher’s District Award u Babu Aibor Sing Kharpan ka Nehru Memorial skul
-
Hadien 25 snem ioh iing skul thymmai ka Lebiwell Memorial Secondary School
-
Kem ka SIT ia u nongialam KSU, bitar ki longkmie Nongmensong
-
Ai jingkyrshan ka AJMDWU ia ka rai sangeh shet ja sngi ha ki skul
-
T.4,444.43 klur ba ai ka sorkar ka dei ba shim ram na ki Agency:HYC