U MLA barim Bah PT Sawkmie ha ka sngi Palei ka 3 tarik u Nailur u la pynpaw ba u la long u MLA, MDC bad ioh long ruh u minister dei na ki nonghikai kiba la trei shitom ban hikai ia u ha ki por ba u dang long u khynnah pule.
U la pynpaw ia kane ha ka sngi rakhe kynmaw burom ia ki nonghikai, kata ka Teacher’s Day ha ka prokram kaba la long ha ka skul jong ka Umsaw Mawjynrong LP/UP School.
U la pynkynmaw ruh ia ki jingkren u Dr. APJ Abdul Kalam, u President barim ka India bad uba dei ruh u saiantis, uba la ong ba u la long u saiantis bad u Presdient
dei lyngba ki nonghikai.
Kumta u bah Sawkmie u la ai khublei bad pynpaw ia ka jingsngewnguh ia ki nonghikai, ba dei lyngba jong ki u la long u MLA, MDC bad u minister.
Ha kane ka sngi la ioh ia ka jingkren na ka nonghikai ka kong Rihok Suchiang, na u rangbah shnong Umsaw Mawjynrong bad na ka kong A. Nongdhar kaba la ai khublei pynwai ia ka prokram.
Hadien kane u bah PT Sawkmie u la poi ruh sa sha ka skul kaba don ha ka shnong Umphrew ka Umphrew Secondary School ban ialehkmen sa bad ki.
Kum shi bynta ban kynmaw burom ia ki u bah Sawkmie u la ai ia ki jingai sngewbha sha ki nonghikai ka Umsaw Mawjynrong LP/UP School bad sha ki nonghikai ka Umphrew Secondary School.
You may also like
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa
-
Lum u Bah Martle ia ka jngialang PAC ban iathir ia ka jingkordor ka synshar paidbah
-
Ioh khusnam Best Teacher’s District Award u Babu Aibor Sing Kharpan ka Nehru Memorial skul
-
Kan ym shet kylla ia ki paidbah bad ka jaidbynriew: Sniawbhalang Dhar