Shim bynta ki jylla na thaiñ NE kynthup ka Meghalaya ha ka Mahakumbh Mela

Ka Meghalaya ka la paw kyrteng ha ka Mahakumbh Mela ha Prayagraj na ka dukan ba die ia ki tiar thain kti kynthup ki syntiew bad ki pla lyngba ka North East Zone Cultural Centre.  Ia kane ka dukan la peit da ki lai ngut ki kynthei ba la iathuh kyrteng ka Kabita Biswa, Usha Rai bad ka Sharda Chettri kiba dei na Nongmynsong bad Nongrah, Shillong. La iathuh kitei ki tiar ba ki die ki dei kiba thain hi ha ki jaka training ha Shillong hapoh ka jingialam u Bijoy Biswa bad mynta ki dang ai training ia ki khynnah ha Ri Bhoi. Halor ka jingkylli ki la iathuh ba iew haduh mynta u snem ka hiar haba nujor bad ki snem ba la sep, wat lada ki briew ki bun ki nongthied pat ki duna.

Ki la ong san snem mynshwa ki la wan ha kane ka Mela bad ka iew ka biang ban ia mynta. Ki iathuh ba ki la wan ban iashim lyngba NECC na bynta ka Meghalaya. La iathuh ba ki wan naduh ka 12 tarik sha katei ka Mela bad kin leit leit phai sha Meghalaya ha ka 27 tarik mynta u bnai bad kin sa wan da kiwei ki kynhun ban shim bynta ban die ia ki tiar.Kum pynpaw kiwei ki jylla ka thain lammihngi ruh ki la shim bynta kum ka Assam, Nagaland bad kiwei kiwei.

Ka Mahakumbh Mela ka la sdang ha ka 13 tarik Kyllalyngkot bad kan kut ha ka 26 Rymphang, 2025 bad la khmih lynti kan dei kaba heh duh ha kaba ki riewngeit kylleng ka Ri bad na shabar ri kin ia shim bynta mynta u snem. Ka sorkar Utter pradesh lyngba ka tnad tourism ka pynlut da ki klur ban pynbeit pynbiang bad pynitynnad ban khring ia ki paidbah.