Ki shipai BSF kiba pahara ha ka ki thain khappud jong ka East Jaintia Hills kila ioh kem ia ki 6 ngut ki nong Bangladesh kiba la wan rung tuh shapoh ka ri India. Ki BSF kila pyntip ba kitei ki 6 ngut kiba la shah kem ki kynthup ia 2 ngut ki samla bad 4 ngut ki khynnah rit kiba la wan rung tuh shapoh ri India bad kila pyrshang ban leitphai biang shapoh ka ri Bangladesh.
Kine kiba la shah kem kidei kiba na ka shnong Chootapuri, kaba hap hapoh ka Bagerhat District ka Bangladesh. Ha ka jingtohkit, kine ki 6 ngut kila phla ha ki BSF ba kila rung tuh sha India la katto katne bnai bad kila leit bylla ha ki iing briew ha Bangalore bad mynta ki don ia ka jingthmu ban leit phai noh sha Bangladesh.
Ki BSF kila aiti noh ia kine ki 6 ngut sha ki Pulit ka Umkiang ba kin pynlong ia ka jingtohkit bad leh ia kaba donkam.
You may also like
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai
-
Kynduh ka KSU ia u DC ban pynkynmaw ki jingdawa halor ka bording ilektrik
-
Shah khang khyrdep bun ki dukan bar jylla ha ka jingjurip kyndit ka JNC ha Khliehriat
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah