Ka long shisha ka sngi kaba kmen ia ki paidbah ka thaiñ Narbong ha Byrnihat, kata hadien ba u MLA ka Jirang Konstituensi u Bah Sosthenes Sohtun u la ioh ban pynlait paidbah noh ia ka kali kit nongpang ia kaba la aiti sha ka Rural Development Committee Narbong Circle kaban shakri na bynta ki 14 tylli ki Shnong ki thaw.Ia kane ka kali kit nongpang la mang lyngba ka skhim SRWP bad la pynbit pynbiang pura ia kane ka kali kit nongpang ha kaba jinglut baroh ka la kot sha ka 13 lak bad yn buh ia kane ka kali ha Urban Health and Wellness Center kaba don ha shnong Narbong.
Na ka liang ki riew rangbah bad ki nongshong shnong ka thaiñ Narbong, ki la pynpaw ia ka jingkmen bad ka jingsngewnguh kaba khraw halor ka jingiohi jngai halor ka jingdonkam ia kane ka kali kit nongpang kaban shakri na bynta ki paidbah ha ka pang ka shitom khamtam ia kito ki longiing baduk. U Bah Sosthenes Sohtun, u la pynpaw, ia ka jingkmen ban ioh pynlait noh ia kane ka kali kaban shakri ia u paidbah ka dong ka thaiñ Narbong namar ka long shisha ka thain kaba la donkam ia kane ka kali ha ka por ba pang ba shitom.
U la kyntu ruh, ia ki nongialam shnong bad ki nongpeit ia kane ka kali ba kin sumar bad pyndonkam hok ia ka khnang ba kan lah ban pynmyntoi ia ki nongshong shnong jong ka thain Narbong.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok