Shah kem ki snar nongtuh thuk thuk na Meghalaya bad Assam

Ki pulit ka North Garo Hills ha ka jingkhynra hynne ka sngi Saitjain 8 tarik Rymphang ki la ioh kurup ia kawei ka thuk thuk ba jah na Matia Police Station, Goalpara, Assam.  Ki pulit hadien ki la ioh jingtip ba don ki nongtuh thuk thuk, mardor ki la pynlong ka jingkhynra hapoh ka jingialam u IC Dainadubi Out Post ryngkat ka jingiatreilang bad ki Pulit ka Assam. La iathuh ki nongtrei ka Wageasi OGC ki la ioh kurup kawei ka thuk thuk Pulsar ba don u number AS-18 K 3422 ha Wageasi OGC. Hadien la lap sa kawei ka thuk thuk ba don u number AS 01 FF 1309 na Gairong Bazaar. Ka jingthmu kitei ki runar ka la pynlom noh na ka jingstet ki pulit ban khynra bad ki ioh kem san ngut ki briew kiba donkti. La iathuh kitei ki thuk thuk ba la shah tuh ki thmu ban kit sha Rongara ban pynpoi sha Bangladesh.

Ki briew ba shah kem la ithuh kyrteng u Rockystar M Sangma, u Sanstar A sangma kiba dei na Bagmara, u Fosirul Hak na Sidabari, Goalpara, Rofiqul Ali 27 snem (ba ju tip kum u Nabar Ali) na Nayapara (Digpara) bad u Rakibul Islam 28 snem na Nagarbera (Paharpara) Kamrup District, Assam. Ia kitei briew ba la shah kem la aiti sha u Ophisar jong ka Matia Police station, Goalpara District na bynta ban pynlong ka jingtohkit bniah bad ban leh katkum ki kyndon aiñ.

Kane ka jingtreikam ka pynpaw ia ka jingkitkhlieh ki bor ain ban tehlakam pyrshah ia ka jingtuh kali bad ban pynskhem ka jingshngain ha ka imlang sahlang. Ki pulit ki kyntu ia ki paidbah ban pyntip lada don kino kino ki briew ba ishankhmat khnang ban kin lah ban iarap na bynta ka jingshngain jong ki paidbah.