Ki nongbylla sngi ne Casual Worker kiba trei ha ha Main Secretariat, Shillong ki la pynpaw ba kin iai bteng ban iakhih namar ki la ioh jingtip ba ka Sorkar kam lah shuh ban thungkam ia ki. Lah ban kdew ba naduh 28 tarik Rymphang ki 30 ngut tam ki nongbylla sngi ne Casual Worker kiba trei ha Main Secretariat ki la sdang ban iakhih ha Madan Malki hadien ba ki la shah weng noh. Kine ki nongbylla sngi ne Casual Worker ki dei kiba trei ha ka kyrdan Grade-IV kiba ju trei ha ophis Secretariat, Shillong kum ki Cleaner, Peon, Mali, Chowkidar, Sweeper kiba la shah pynsangeh kam hadien ba u Nazir u la pynpaw ba ym lah shuh ban dang ai kam ia ki namar ba ka tnat pla tyngka jong ka Sorkar Jylla kam don pisa shuh ban siew ïa ka bai bylla sngi.
Kine ki nongbylla sngi ne Casual Worker kiba dang bteng iaka jingïakhih ba jai jong ki, ki la buh jingkylli, shaei kin leit wad kam namar ba mynta ka rta ka jong ki, kam plie lad shuh ban dang wad da kiwei pat ki kam.
Kila pynpaw ba ki dei kiba la trei 10 snem eiei bad nalor kata ki dei ruh kiba wan na ki longiing kiba kham duna ka ïoh ka kot bad kiba hap ban kit na ka bynta ban pyndap pynbiang ïa la ka jong ka iing ka sem.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla