U Myntri Rangbah ka Jylla Conrad K Sangma hynne ka sngi ula pyntip ba ka Sorkar ka don ia ka thong ban pynheh ia ka Kad Liengsuin Umroi Airport bad ha kajuh ka por ban sdang her ki Liengsuin ba 19-20 Seat na Baljek Airport. Ia kane u Conrad ula pyntip haba jubab ia ka jingkylli ba la wanrah da u Nongialam ka Liangpyrshah u Mukul Sangma haba ïa dei bad ka jinglong jingman ka Baljek Airport.
Hashuwa kane u Symbud Myntri Rangbah ba khmih iaka tnat Transport u Bah Sniawbhalang Dhar u la pyntip ba haduh mynta ka Baljek Airport kam pat treikam satia hynrei ka Sorkar ka dang iakren bad ka AAI ban pyntreikam noh ia kane ka Kad Liengsion da ki liengsuin ba 19-20 seat. U Bah Sniawbhalang u la pyntip ba ka jaka bah eh 211.13 acre kala don na ka bynta ban pynroi bad pynheh ia ka Airport. 153.13 acre la dep ban thied hapdeng u snem 1986-1989. La pynlut ruh haduh T.3,57,97,775 ban thied jaka haduh mynta na ka bynta ban pyntrei ia ki jingdonkam baroh ha kane ka Airport.
“Ka Sorkar kala pdiang ia ka jingtyrwa ban thied shuh ia ka jaka KAba 68 acre bad mynta ngi dang ap ia ka jingiajurip lang bad ka AAI hashuwa ban thied ia kane ka jaka naba 211 acre ka jaka ka dang duna bha” la ong u Bah Sniawbhalang.
You may also like
-
akynduh ka CCIB ia u DIG ka BSF halor ka ker sainar shiah
-
Ïakynduh u Bah John ïa u Thierry ka France ban kyntiew ïa ka kolshor bad kam ïalehkai
-
Bam smai u James kum u MP ka Rajya Sabha
-
Kyrshan ki samla pule ïa u Wangchuk bad dawa hiar shuki ïa u Dharmendra
-
Nalor ki 9 tylli ki mawnongrim ba T.140 Klur, plie u MR sa ïa ka CM CONNECT Centre