Hadien 4 snem ba lait phet, ioh kem ki pulit ia u koidi na Kerela

Ki bor pulit ka Ri Bhoi District ki la ioh kem biang ia uwei u koidi hadien saw snem ba ula lai phet bad ia une u koidi la ioh kem biang da ka jingiarap ki bor pulit ka jylla Kerela bad ban aiti pat sha ki pulit ka jylla Meghalaya. Kumba la ioh jingtip, utei u koidi ba la shah kem halor ki kam tuh u dei ba la tip kyrteng kum u Ranjan Borgohain na Duliajan District, Dibrugarh Assam ula shah kem ha ki pulit ka Khanapara ha u snem 2020 bad la ujor mukotduma katkum ka Case no 52(11)2020 u/s 381 IPC hynrei ha ka 20 tarik u Naiwieng 2020 ula lait phet noh na ki bor ka ain.

Na ka liang ki pulit ka Ri Bhoi District, kiba la iai thwet ia une u koidi na ka por sha ka por naduh u tei u snem bad ki la ioh jingtip ba une u koidi u don ha ka jylla Kerela bad u trei hapoh kawei ka Karkhana, mar mar ki pulit ki la pyntip sha u heh pulit ka Ernakulum District Police, Kerela ban ai jingiarap ban kem ia utei u koidi. La iathuh ha ka 7 tarik u Lber 2025, ki pulit ka jylla Kerela ki la ioh ban kem ia u bad la aiti sha ki pulit ka Ri Bhoi District ha ka 8 tarik u Lber na bynta ban bteng ia ka jingtohkit pyrshah ia ki kam runar jong u kham shwa la ruh ban bishar ha ka Iingkashari jong ka District and Session Court Nongpoh.

Na ka liang ki bor pulit ka Ri Bhoi District ki la pynpaw ruh ia ka jingsngewnguh kaba khraw sha ki bor pulit ka Kerela halor ka jingiarap ban kem biang ia u ei u koidi ba la lait phet mynta la palat saw snem eiei.