Ha ka jingjia aksiden kaba shyrkhei kaba la jia hynnin ka janmiet, u wei u nongniah ia ka thukthuk u la khlad hashen katba u ba shong nadien u la mynsaw jur hadien ba ka thukthuk kaba ki shong ka la leit ban tynrah nadien jong kawei ka trok kaba ieng harud u surok hajan ka shnong Erpakon ha Ri Bhoi District.
Katkum ka khubor ba la iohlum, la iathuh, ba kane ka jingjia aksiden ka la jia mynta ka 8 tarik u Lber ha ka por 7 baje eiei janmiet, kaba la jia tang na ka daw ka jingpynher sted jong u nongniah ia ka thukthuk kaba don ia u number ML 10 D 1040 tad haduh ba um shem la lah ban tehlakam shuh bad ban leit tynrah na ki bynta ba shadien jong kawei ka trok kaba don ia u number ML 04 D 4271 kaba ieng harud u surok bah.
Na ka liang ki bor pulit ka Nongpoh Police Traffic Branch ki la poi marmar ha katei ka jaka ban pynlong ia ka jingtohkit bad ban rah ia ka met jong u ba la khlad ban leh ia ka post mortem.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok