U MLA ka Shella constituency u Bah Balajied Kupar Synrem hynne ka sngi ula kyntu ia ka Sorkar Jylla ban shim khia ban pyndep ker sainar shah ha khappud ka Jylla bad Bangladesh. Haba shim bynta ban ïatai ia ka Mang Tyngka, u Bah Balajied ula ïathuh ha ki ar bnai ba la dep, ki shnong ha ki thaiñ khappud, ki la sakhi ia ka jingwan her ki Drone ki shipai Bangladesh.
Ula ong, ka sorkar Jylla ka dei ban shim ki lad ki lynti ban iada ïa u pud u sam ka Jylla khamtam namar ka jinglong jingman hapoh Bangladesh haduh mynta kam pat long shngain. “Ha u snem 2001, ki shipai Bangladesh ki la wan rung haduh ka shnong Pyrdiwah, East Khasi Hills bad ki la lute ruh ia ki nongshong shnong. Ngim kwah ba kum kane ka jingjia kan wan jia biang, namar kata nga kyntu ia ka sorkar ban shimkhia ban ker sainar shah ia ki jaka bym pat ker sainar ha khapud Bangladesh” la ong u Bah Balajied.
U Bah Balajied ula ïathuh ba ha ki thaiñ Rinku bad Balat, ki briew na Bangladesh ki ju wan rung sha u pud ka Jylla ban pynthud ia ki trai shnong ha ki thaiñ khappud.
You may also like
-
Ka KHADC bad JHADC ki dei ban pynkylla ia ka AD Rule: TW Chyne
-
Bun ki kren bein ia ka jaidbynriew Khasi hynrei ki pulit kim leh eiei
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad