Ka Myntri ka tnad ka Koit ka khiah ka jylla ka kong Ampareen Lyngdoh ka la pyntip ha Iing Dorbar ba ka jingtei ia ka Tura Government Medical College ka la iaid sha ka 75 percent. Ka kong Ampareen haba jubab ia ka jingkylli ba la wanrah da u MLA ka TMC na Songsak u Dr Mukul Sangma, ka la iathuh ba ka jingnoh synniang jaka ki trai khyndew na bynta ka jingpyntrei ia kane ka project ka long haduh 99 akar.
Ka la iathuh ba ka jingmang pisa na bynta ban pyllut ia kane ka project baroh ka long T.189 klur bad ka sorkar India na bynta ban pyntrei ia kane ka kolej ka la mang tyngka T.170.10 klur bad kaba sah T.19 klur yn sei da ka sorkar jylla. U Dr Mukul ula kyntu ia ka sorkar ba kadei ban pynsted ban pyndep noh ha ka por ia kane ka Medical College namar ba ki khynnah mynta ki don ia ka jingthrang ban leit pule Doctor.
Halor kane, ka Myntri ka la ong ba kane ka projek kadei kaba ka sorkar ka shim khia bha bad ka la pyntikna ba ka Tura Medical College yn pyndep ha ka por ba biang watla hapdeng shibun ki jingeh. “Hoid ngi sngewkhia bad ngi thrang ban pyndep noh ia kane ka kolej bad ngi kwah ban iohi ba lyngba ka jingdon kane ka jaka pule yn pynkylla ia ka pule puthi ha thain Garo Hills,” ong ka myntri ka tnad ka koit ka khiah.
You may also like
-
Ai jinghikai ka NEIGRIHMS halor ki kyndon ka Biosafety
-
Ka Rain Museum kaba nyngkong eh ha ka pyrthei kan plie ha Mawsynram, Meghalaya
-
Kwah u Bah Paul ban thaw ia ka Album jingrwai bad kiba duna dkhot met
-
Lada pyntreikam ILP ne MRSSA, kim dei ban pyndik ia ki nongshong shnong
-
Ka NPP ka la pynkhreh ban iakhun ilekshon ha GHADC:Rakkam